ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، زاڭعا سايكەس باسقا ەلدىڭ ازاماتتىعىن العان ادام 30 كۇن ىشىندە قازاقستان رەسپۋبليكاسىنىڭ جەكە كۋالىگى مەن ءتولقۇجاتىن مىندەتتى تۇردە تاپسىرىپ، ەل ازاماتتىعىنان شىققاندىعىن تىركەۋ قاجەت.
الايدا ولاردىڭ كەيبىرى باسقا ەلدىڭ ازاماتتىعىن الا تۇرا، ق ر قۇجاتىن قولدانىپ كەلەدى. كوپ جاعدايدا بۇعان زەينەتاقى، جاردەماقى جانە دە باسقا دا بەلگىلەنگەن الەۋمەتتىك جەڭىلدىكتەردى قولدانۋ ماقساتىندا بارادى. جىل باسىنان بەرى وڭىردە قوس ازاماتتىعى بار 50 دەن استام ادام تىركەلگەن.
«ماسەلەن، كوشى-قون قىزمەتىنىڭ ماماندارى تاياۋدا 2002 -جىلدىڭ ماۋسىم ايىندا رەسەي فەدەراتسياسىنىڭ ازاماتتىعىن قابىلداعان گلۋبوكوە اۋدانىنىڭ تۇرعىنىن انىقتادى. مەملەكەتتىك قىزمەتتەردى الۋ كەزىندە ول قازاقستان رەسپۋبليكاسى ازاماتىنىڭ قۇجاتتارىن پايدالانعان. ءتارتىپ بۇزۋشىعا ق ر ا ق ب ت ك-نىڭ 496-بابى 1-بولىگىنە سايكەس 100 ا ە ك مولشەرىندە ايىپپۇل سالىندى»، - دەلىنگەن حابارلامادا.
سونداي-اق شەتەلدىكتەن ق ر ازاماتىنىڭ جەكە كۋالىگى مەن ءتولقۇجاتى تاركىلەندى.