اسقار مامين: وڭىرلەردە كاسىپكەرلىكتى دامىتۋعا 50 ميلليارد تەڭگە بولىنەدى
پرەمەر- مينيستر اسقار مامين ۇكىمەت وتىرىسىندا سالاعا جاۋاپتى ۆەدومستۆوعا وسىنداي مىندەت جۇكتەدى، دەپ حابارلايدى قازاقپارات ءتىلشىسى.
ۇكىمەت باسشىسى بىلتىر جۇمىسپەن قامتۋدىڭ جول كارتاسى جۇمىسسىزدىقپەن كۇرەستە جانە حالىقتىڭ ءال- اۋقاتىن جاقسارتۋ ىسىندە جوعارى تيىمدىلىك كورسەتكەنىن اتاپ ءوتتى.
«مەملەكەت باسشىسى قاسىم- جومارت توقايەۆتىڭ تاپسىرماسى بويىنشا جۇمىسپەن قامتۋدىڭ جول كارتاسىن كەڭەيتۋ جونىندە شارالار قابىلداندى. سوندىقتان، بيىل جول كارتاسىن ورىنداۋ شەڭبەرىندە ينفراقۇرىلىمدىق جوبالاردى ىسكە اسىرۋعا كاسىپكەرلىك پەن اگرارلىق سالانى دامىتۋ ارقىلى تۇراقتى جۇمىس ورىندارىن قۇرۋعا ەرەكشە نازار اۋدارىلادى. سونىڭ ىشىندە وڭىرلەردەگى جولداردى، مەديتسينا جانە ءبىلىم بەرۋ ۇيىمدارىن سالۋ جانە جوندەۋگە باعىتتالعان 127,5 ميلليارد تەڭگەنى قۇرايتىن ينفراقۇرىلىمدىق جوبالار ىسكە اسىرىلادى»، - دەدى اسقار مامين.
سونداي- اق، بيزنەستى قولداۋعا بولىنەتىن قاراجاتتىڭ باسىم بولىگى وڭىرلەرگە باعىتتالاتىنىن ايتتى.
«اتامەكەن» پالاتاسى مەن اكىمدىكتەر قاتىساتىن ميكروقارجىلىق ۇيىمدار ارقىلى 22,5 ميلليارد تەڭگە كولەمىندە بيزنەس جوبالاردى قارجىلاندىرۋ جوسپارلانعان. وڭىرلەردە كاسىپكەرلىكتى دامىتۋعا 50 ميلليارد تەڭگە باعىتتالادى»، - دەدى پرەمەر- مينيستر.