قىتايدىڭ ەڭ باي ادامدارىنىڭ ءبىرى 50 جاسىندا قايتىس بولدى

نۇر-سۇلتان. قازاقپارات - قىتايدا KE Holdings جىلجىمايتىن مۇلىك كومپانياسىنىڭ نەگىزىن قالاۋشى جانە باسشىسى زو حۋەي قايتىس بولدى، - دەپ حابارلايدى ر ب ك.

قىتايدىڭ ەڭ باي 15 ادامنىڭ قاتارىنا كىرەتىن كاسىپكەر 20-مامىردا «اۋرۋىنىڭ اسقىنۋىنا» بايلانىستى قايتىس بولعان. ول 50 جاستا ەدى.

Forbes رو حۋەيدىڭ بايلىعىن 14,8 ميلليارد دوللارعا باعالاعان. 2020 -جىلى ونىڭ كومپانياسى نيۋ-يوركتە ءساتتى IPO وتكىزگەن.

زو 1971 -جىلى شەنسي پروۆينتسياسىندا دۇنيەگە كەلگەن. 1992 -جىلى بەيجىڭ حيميا- تەحنولوگيالىق ۋنيۆەرسيتەتىن بىتىرگەن.

قىتايلىق ب ا ق دەرەكتەرىنە سۇيەنسەك، ول ساقتاندىرۋ بيزنەسىندە العاشقى تابىسىن تاۋىپ، كەيىن 2001 -جىلى العاشقى جىلجىمايتىن مۇلىك كومپانياسى Beijing Lianjia Real Estate Brokerage قۇرعان. 2018 -جىلى حۋەي KE Holdings قۇرىپ، قىتايداعى Beike تۇرعىن ءۇي مامىلەلەرى مەن قىزمەتتەرى ءۇشىن ەڭ ءىرى پلاتفورمانى ىسكە قوسىپ، ەلدىڭ ەڭ ىقپالدى بيزنەسمەندەرىنىڭ ءبىرى بولدى.