بۇل ناۋقان جاڭاجىلدىق كانيكۋل الدىندا كوبىرەك ادامدى ۆاكتسينالاۋ ءۇشىن جاسالىپ وتىر. اي كۇنتىزبەسى بويىنشا جاڭا جىل 2021-جىلعى اقپان ايىنىڭ ەكىنشى ونكۇندىگىندە باستالادى.
ايتا كەتەيىك، جاڭاجىلدىق دەمالىس كەزىندە قىتاي حالقى ەل ىشىندە كوپ ساياحاتتايدى، ءبىر- بىرىنە قوناققا بارادى.
قىتايدا Sinopharm Sinovac Biotech Ltd كومپانياسىنىڭ 100 ميلليون دوزا ۆاكتسيناسى ەل اۋماعىنا تاراتىلادى. ءبىرىنشى كەزەكتە بەلگىلى ءبىر توپقا جاتاتىن ازاماتتار ەكپە الادى. ولار - مەديتسينا قىزمەتكەرلەرى، ءورت سوندىرۋشىلەر، پوليتسيا مەن كەدەن قىزمەتكەرلەرى، كولىك-لوگيستيكا كومپانياسىنىڭ جۇمىسشىلارى.
ۆاكتسينانىڭ العاشقى دوزاسىن - 2021-جىلدىڭ 15- قاڭتارىنا دەيىن، ال كەلەسىسىن - 5- اقپانعا دەيىن الۋ كەرەك.
ەسكە سالا كەتەيىك، وتكەن اپتادا شىنجاڭ ۇيعىر اۆتونوميا اۋدانىنىڭ تۇرفان قالاسىندا كوروناۆيرۋستىڭ سيمپتومسىز ءتۇرىن جۇقتىرعان ءۇش ادام انىقتالدى. وسىعان بايلانىستى تۇرفان اكىمشىلىگى ءتيىستى شارالاردى قولعا الدى.