مال شارۋاشىلىعى ماماندىقتارىنا كۆوتا 50 پايىزعا ۇلعايتىلادى

بۇل جايىندا سەنات دەپۋتاتتارىنىڭ ساۋالىنا وراي ق ر پرەمەر-ءمينيسترى اسقار ماميننىڭ جاۋابىندا ايتىلعان، دەپ حابارلايدى قازاقپارات ءتىلشىسى.

ۇكىمەت باسشىسىنىڭ اتاپ وتۋىنشە، بۇگىنگى تاڭدا اۋىلدىق جەرلەردە تۇراتىن تالاپكەرلەردىڭ جوعارى وقۋ ورنىنا ءتۇسۋ كەزىندە اۋىلدىق كۆوتا ەسەبىنەن جانە جالپى ءبىلىم بەرۋ تاپسىرىسى نەگىزىندە ەكى مۇمكىندىگى بار.

قازاقستان رەسپۋبليكاسى ۇكىمەتىنىڭ 2012 -جىلعى 28-اقپانداعى №264-قاۋلىسىنا سايكەس اۋىلدىڭ الەۋمەتتىك- ەكونوميكالىق دامۋىن ايقىندايتىن ماماندىقتار بويىنشا اۋىل جاستارى اراسىنان شىققان ازاماتتار ءۇشىن كۆوتا مولشەرى 30 پايىز بەكىتىلگەن. مەملەكەتتىك ءبىلىم بەرۋ تاپسىرىسى بويىنشا اۋىلدىق كۆوتا اۋىلدا كادرلارعا قاجەتتىلىك بويىنشا سۇرانىستارعا بارىنشا جاقىن.

«قازىرگى كەزدە وسى قاۋلىعا «اۋىل شارۋاشىلىعى جانە بيورەسۋرستار» جانە «ۆەتەريناريا» سياقتى ءبىلىم بەرۋ باعدارلامالارى بويىنشا سالالاردا اۋىلدىڭ الەۋمەتتىك- ەكونوميكالىق دامۋىن ايقىندايتىن اۋىل جاستارى اراسىنان شىققان ازاماتتار ءۇشىن قابىلداۋ كۆوتاسىن 30 دان 50 پايىزعا دەيىن ۇلعايتۋ جونىندە وزگەرىستەر مەن تولىقتىرۋلار ەنگىزۋ جوسپارلانۋدا. سونىمەن قاتار، 2014 -جىلدان باستاپ رەسپۋبليكادا «ماڭگىلىك ەل جاستارى - يندۋسترياعا!» - «سەرپىن-2050» جوباسى ىسكە اسىرىلۋدا، وعان اۋىل جاستارى اراسىنان شىققان ازاماتتار عانا قاتىسادى (الماتى، جامبىل، قىزىلوردا، ماڭعىستاۋ، تۇركىستان وبلىستارى). ولار ءۇشىن تەحنيكالىق جانە كاسىپتىك، ورتا بىلىمنەن كەيىنگى جانە جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا ءتۇسۋ كەزىندە 10 پايىز مولشەرىندە قابىلداۋ كۆوتاسى بەكىتىلدى»، - دەدى اسقار مامين.

پرەمەر-ءمينيستردىڭ دەرەگىنشە، ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان «ەڭبەك» مەملەكەتتىك باعدارلاماسى اياسىندا اۋىل تۇرعىندارىن، ونىڭ ىشىندە مالشىلار ءۇشىن مەملەكەتتىك قولداۋدىڭ جاڭا بيزنەس- يدەيالاردى ىسكە اسىرۋ ءۇشىن ميكروكرەديتتەر، مەملەكەتتىك گرانتتار بەرۋ، «باستاۋ- بيزنەس» جوباسى بويىنشا كاسىپكەرلىك نەگىزدەرىنە تەگىن وقىتۋ سىندى تۇرلەرى كوزدەلگەن. اۋىل تۇرعىندارى اسىل تۇقىمدى مالدى ءوسىرۋ ءۇشىن وسى قۇرالداردى پايدالانا الادى.

«2019 -جىلى 17 774 ميكروكرەديت، ونىڭ ىشىندە اۋىلدىق جەرلەردە - جالپى سوماسى 59,6 ميلليارد تەڭگەگە 15 633 ميكروكرەديت (جىلدىق جوسپاردىڭ “,8) بەرىلدى. «ەڭبەك» باعدارلاماسى بويىنشا كاسىپكەرلىكتى دامىتۋدىڭ نەگىزگى سالالارى مال شارۋاشىلىعى، وسىمدىك شارۋاشىلىعى جانە قىزمەت كورسەتۋ (قوعامدىق تاماقتانۋ پۋنكتتەرى، شاشتارازدار، ت Ù‚ س جانە ت. ب. ) سياقتى اۋىل شارۋاشىلىعى سالالارى بولىپ تابىلادى. بيىل «ەڭبەك» باعدارلاماسى اياسىندا اۋىلداعى كاسىپكەرلىكتى دامىتۋعا 43,3 ميلليارد تەڭگە سوماعا 11294 ميكروكرەديت بەرۋ جوسپارلانعان»، - دەدى ۇكىمەت باسشىسى.

اۆتور: مارلان جيەمباي