جۇمىس ۋاقىتى - ساعات 10:00-دەن 21:00-گە دەيىن.
كەلۋشىلەر ينتەراكتيۆتى قوندىرعىلاردى، بولاشاق تەحنولوگيالارىن، عارىشكەرلەردىڭ كيىمدەرى مەن عارىشتىق اپپاراتتاردى جانە تاعى باسقالارىن كورە الادى. بۇدان تىس، «نۇر الەم» قوناقتارعا تاڭعاجايىپ ەكسپوناتتارىن ۇسىنادى. «ۇزدىك پراكتيكالار ايماعى» مەن تاقىرىپتىق پاۆيلونداردان جيىرمادان استام ەكسپوزيتسيا اكەلىندى. ولاردىڭ ءاربىرى جاسىل تەحنولوگيالار جانە بالامالى ەنەرگيا كوزدەرى سالاسىنداعى يننوۆاتسيالىق ازىرلەمەلەردىڭ سونى ۇلگىلەرى.
ولاردىڭ اراسىندا: «الەم جانە ەنەرگيا» كينەتيكالىق ءمۇسىنى - بىرىكتىرىلگەن اسەرلەرى بار تاڭعاجايىپ جارقىن شوۋ، «اقىلدى قالا» جارىق LED كورىنىسى، Solar Impulse مودەلى - كۇن ەنەرگياسى قۋاتىمەن ۇشاتىن ۇشاق تا بار.
ايتا كەتەيىك، ەكىنشى دۇنيەجۇزىلىك سوعىس قاتىسۋشىلارىنا، بارلىق توپتاعى مۇگەدەكتەرگە، جەتىم بالالارعا، كوپبالالى انالارعا جانە 6 جاسقا دەيىنگى بالالارعا سفەراعا كىرۋ تەگىن.
ەسكە سالا كەتەيىك، ەكسپو كورمە كەشەنىنىڭ اۋماعىندا مۇز ايدىنى اشىلدى. كەلۋشىلەرگە ىڭعايلى بولۋ ءۇشىن كونكيلەردى جالعا بەرۋ، اۆتوكولىك يەلەرى ءۇشىن جەراستى پاركينگى جانە ساقتاۋ كامەرالارى قاراستىرىلعان. مۇز ايدىنى ساعات 10:00-دەن 23:00-گە دەيىن جۇمىس ىستەيدى.