قازاقتىڭ بۇركىتشى قىزى موڭعوليانىڭ ەڭ تانىمال 50 ادامىنىڭ قاتارىنا ەندى
05:04, 20 - جەلتوقسان 2016
استانا. قازاقپارات - موڭعوليادا تۇراتىن تانىمال بۇركىتشى قىز ايشولپان نۇرعايىپ قىزى 2016 -جىلعى تاڭداۋلى 50 ادامىنىڭ ءبىرى اتاندى، دەپ حابارلايدى BAQ.kz.
قۇرامىنا ساياساتكەرلەر، سپورتشىلار، ونەر ساڭلاقتارى، حالىقارالىق دارەجەدەگى تانىمال تۇلعالار كىرگەن بۇل توپتى حالىقتىڭ اشىق داۋىس بەرۋى بويىنشا ىرىكتەپ العان.
«ساياساتكەر»، «جاڭالىق اشۋشىلار»، «جەڭىمپازدار»، «سيمۆولدار» جانە 2016 -جىلدىڭ ەڭ ۇزدىك «جانجالشىلارى» دەگەن 5 توپ بويىنشا ساراپتاپ، حالىقتىڭ تاڭداۋى بويىنشا انىقتالعان 2016 -جىلعى موڭعوليانىڭ ەڭ ۇزدىك 10 «سيمۆولدىق» ادامىنىڭ ءبىرى بولىپ تانىمال بۇركىتشى قىز ايشولپان نۇرعايىپ قىزى تاڭدالدى.
BAQ.KZ