بۇل جايىندا نيسساداعى تەرروريستى ۇستاۋ وپەراتسياسىنا قاتىسقان قاۋىپسىزدىك قىزمەتى قىزمەتكەرلەرىمەن كەزدەسۋدە فرانسيا پرەزيدەنتى فرانسۋا وللاند مالىمدەدى.
فرانسيا باسشىسىنىڭ ايتۋىنشا، 84 ادام قازا تاپتى جانە دارىگەرلەر جان ساقتاۋ بولىمىندەگى 50 ادامنىڭ ءومىرى ءۇشىن كۇرەسۋدە.
«دارىگەرلەردىڭ كومەگىنە مۇقتاج تاعى 50 ادام بار. ولار ءومىر مەن ءولىم اراسىندا جاتىر. قۇرباندار اراسىندا فرانسيالىق ازاماتتار جانە جان-جاقتان قىدىرىپ كەلگەن شەتەلدىكتەر بار. ءوز وتباسىمەن وتشاشۋدى كورۋگە كەلگەن كىشكەنتاي بالالار دا بار»، - دەدى وللاند.
فرانسيا پرەزيدەنتى اتاپ وتكەندەي، قازىر قۇقىق قورعاۋ ورگاندارى قىلمىسكەردىڭ سىبايلاستارى بولعان-بولماعانىن انىقتاپ جاتىر.
فرانسۋا وللاند قاۋىپسىزدىڭ كۇشتەرىنىڭ ەرلىگىن ەرەكشە اتاپ ءوتتى. ول پوليتسيانىڭ «فرانسيانىڭ ماقتانىشى» ەكەنىن ايتتى جانە نيسسانىڭ قۇتقارۋ قىزمەتى، ءورت سوندىرۋشىلەرى جانە مەديتسينا قىزمەتكەرلەرىنە العىس ءبىلدىردى.
«بارشا الەم تىلەكشى بولىپ، بىزگە قاراپ وتىر. بۇكىل الەم ءبىزدى ويلاۋدا»، - دەپ اتاپ ءوتتى ف. وللاند.