بۇل تۋرالى كەشە استانادا وتكەن باسپا ءسوز ءماسليحاتىندا قازاقستان رەسپۋبليكاسىنىڭ يزرايل مەملەكەتىندەگى ەلشىسى دۋلات قۋانىشيەۆ ءمالىم ەتتى.
«2016 - جىلدىڭ ءبىرىنشى توقسانىندا يزرايل 50 ميلليون ا ق ش دوللارى سوماسىندا قازاقستاندىق مۇنايدى يمپورتتادى. مەنىڭ ويىمشا، بيىل ءبىز وتكەن جىلدىڭ كورسەتكىشىنەن ايتارلىقتاي اسىپ تۇسەمىز»، - دەدى ەلشى.
ق ر س ءى م مالىمەتىنە قاراعاندا، يزرايل وزدەرىنىڭ گاز كەن ورىندارىن اشۋى سەبەپتى قازاقستان مۇنايىنىڭ يمپورتىن قىسقارتتى. بۇل ەكىجاقتى تاۋار اينالىمى كولەمىن تومەندەتتى.
«بۇعان دەيىن قازاقستاندىق مۇنايدى جەتكىزۋ كولەمى، ياعني 2014 -جىلى رەكوردتى دەڭگەيدە بولدى. بۇل كورسەتكىش اقشالاي ماندە 1,4 ميلليارد دوللاردان استام قارجىنى قۇرادى»، - دەدى د. قۋانىشيەۆ.
ونىڭ سوزىنە قاراعاندا، بۇگىندە يزرايلگە مۇناي جەتكىزۋشى نەگىزگى ەلدەر رەتىندە رەسەي، ازەربايجان جانە قازاقستان ەلدەرىن اتاۋعا بولادى.
ق ر قارجى مينيسترلىگىنىڭ مالىمەتىنشە، 2016 -جىلدىڭ ءبىرىنشى توقسانىندا يزرايل 50,6 ميلليون دوللار سوماسىنا قازاقستاندىق مۇنايدىڭ 186,9 مىڭ تونناسىن يمپورتتادى. بۇل كولەم 2015 - جىلدىڭ سايكەس كەزەڭىندە قازاقستاننان ساتىپ العان مۇنايدان 8,4 ەسەگە ارتىق.
اۆتور: رۋسلان عابباسوۆ