امەريكاندىقتار «Pulse» اتتى گەي- كلۋبتا بولعان اتىستى 2001 -جىلدان بەرى بولىپ جاتقان ءىرى لاڭكەستىك ارەكەت دەپ وتىر.
ا ق ش- تىڭ بۇقارالىق اقپارات قۇرالدارى تاراتقان مالىمەتكە سايكەس، اتىس تۇنگى ساعات 02:00 دە باستالعان. 29 جاسار ومار سادديكي ماتين «Pulse» كلۋبىنا باسا كوكتەپ كىرىپ، 300 ادامعا وق جاۋدىرعان. 50 ادام سول جەردە مەرت بولسا، 53 ادام جاراقات الدى. پوليتسيا ومار سادديكي ماتينمەن ءۇش ساعات بويى كەلىسسوز جۇرگىزدى. ءبىراق اقىر سوڭىندا كلۋبتى شابۋىلمەن الىپ، قارۋ اسىنعان جىگىتتى اتىپ تاستادى. قۇقىق قورعاۋ ورگاندارىنىڭ حابارلاۋىنشا، ماتين بۇل ىسكە جان- جاقتى دايىندالعان. ول ءوز دەنەسىنە جارىلعىش زاتتى بەكىتىپ، اۆتوكولىگىنە قوسىمشا جارىلعىش زاتتاردى سالىپ العان.
تەرگەۋشىلەر ومار سادديكي ماتيندى راديكالدى يسلامنىڭ جاقتاسى دەپ وتىر. الايدا اتالعان قىلمىستىڭ ناقتى سەبەبى ءالى بەلگىسىز. فەدەرالدى تەرگەۋ اگەنتتىگى بولسا، ونى «يراك پەن لەۆانتتىڭ يسلام مەملەكەتى» دەپ اتانىپ جۇرگەن تەرروريستىك ۇيىمعا قاتىسى بار دەپ مالىمدەدى. اتالعان ۇيىم دا شابۋىل ءۇشىن جاۋاپكەرشىلىكتى ءوز موينىنا الدى.
ايتا كەتەيىك، بۇگىن مەملەكەت باسشىسى نۇرسۇلتان نازاربايەۆ ا ق ش پرەزيدەنتى باراك وباماعا ورلاندو قالاسىندا بولعان لاڭكەستىك ارەكەتكە قاتىستى كوڭىل ايتۋ جەدەلحاتىن جولدادى.
Baq.kz