حالىقارالىق كولىك ءدالىزى ارقىلى قىتايدان ەۋروپاعا 50 ميلليارد دوللاردىڭ ونىمدەرى وتەدى
بۇل تۋرالى استانا ەكونوميكالىق فورۋمى اياسىنداعى سەسسيا جۇمىسىندا ق ر ۇلتتىق ەكونوميكا ۆيتسە-ءمينيسترى تيمۋر جاقسىلىقوۆ ءمالىم ەتتى.
«كولىك ينفراقۇرىلىمى سالاسىندا نەگىزگى جوبا - ول «باتىس ەۋروپا - باتىس قىتاي» كولىكتىك ءدالىزى قۇرىلىسىنا بايلانىستى بولىپ وتىر. بۇل رەتتە قىتايدان ەۋروپاعا قاراي ەڭ قىسقا اۆتوجول باعدارى ىسكە قوسىلادى جانە ول بارشا ەۋرازيالىق قۇرلىقتىڭ كولىكتىك الەۋەتىن ارتتىرۋدا ۇلكەن ماڭىزعا يە. ساراپشىلاردىڭ بولجامىنشا، 2020-جىلعا قاراي ەۋروپا مەن قىتاي اراسىنداعى جىل سايىنعى تاۋار اينالىمنىڭ 8 پايىزعا جۋىعى وسى اۆتوموبيل ءدالىزى ارقىلى وتەتىن بولادى. ەگەر اقشالاي ەسەپتەيتىن بولساق، بۇل شامامەن 50 ميلليارد دوللارعا جەتەدى»، - دەدى ت. جاقسىلىقوۆ.
جوبانى جۇزەگە اسىرۋ ناتيجەسىندە تاۋاردى جەتكىزۋ ورتاشا العاندا 10 تاۋلىكتى قۇرايدى. سالىستىراتىن بولساق، تەڭىز جولى 45 تاۋلىككە جەتەدى. قازاقستاندا بيىل وسى اۆتوماگيسترالدىڭ ۋچاسكەسى تولىقتاي اياقتالادى.
جوبانى جۇزەگە اسىرۋدىڭ سوڭىندا اتالعان حالىقارالىق ءدالىز بويىنشا جۇك تاسىمالى 30 ميلليون توننادان استام بولادى دەپ كۇتىلۋدە.
اۆتور: رۋسلان عابباسوۆ