پوليتسەيلەردىڭ ايتۋىنشا، قاشقىندار قارۋلانعان، سول سەبەپتى قاۋىپتى. قىلمىسكەرلەردىڭ تۇراقتاعان مەكەن-جايى تۋرالى اقپاراتقا 50 مىڭ دوللار سىياقى تاعايىندالعان.
قۇقىق قورعاۋ ورگاندارىنىڭ مالىمەتىندە، قاشقىنداردىڭ ەكەۋى ۆەتنامدىق قىلمىستىق توپتىڭ مۇشەسى ەكەندىگى، ادام ءولىمى بويىنشا جازاسىن وتەپ جاتقاندىعى اتاپ وتىلگەن. ال ءۇشىنشىسى ادام ۇرلاۋ جانە ازاپتاۋ بويىنشا ايىپتالعان.
قاشقىندار كامەرالارىنىڭ جۋان تەمىر قورشاۋىن ارامەن كەسىپ تاستاپ سىرتقا شىعىپ، بايلانىس تۋننەلىنە وتكەن. بۇدان سوڭ بەس قاباتتى عيماراتتىڭ ۇستىنەن كيىمدەرى مەن ورامال تىلىگىنەن جاسالعان ارقانمەن جەرگە تۇسكەن.
جەرگىلىكتى پوليتسيا وكىلىنىڭ مالىمدەۋىنشە، وكرۋگ تۇرمەلەرىندە تۇتقىنداردىڭ قاشىپ كەتۋى تەك 20 جىل بۇرىن تىركەلىپتى.
تەرگەۋشىلەر قاشۋ ءۇشىن قىلمىسكەرلەر الدىن الا مۇقيات دايىندالعان دەپ مالىمدەۋدە.