مەرەكە قۇرمەتىنە ارالدىق مەملەكەتتە اسكەري شەرۋ، وتشاشۋ جانە اۆياشوۋ ۇيىمداستىرىلدى. شەرۋ مەن ونىڭ ازىرلىگىنە بارلىق بيلەتتەر تولىق ساتىلىپ كەتتى.
ەلدە مەرەيتوي قۇرمەتىنە ءتورت كۇندىك دەمالىس جاريالاندى.
«ءبىزدىڭ كىشكەنتاي مەملەكەتىمىزگە نەبارى 50 جىل تولدى، ءبىراق تا ءبىز وسى جىلدارى كوپ نارسەلەرگە قول جەتكىزدىك، - دەيدى ستۋدەنت يان تسزە لين. - بيىلعى جىلدى سينگاپۋرلىقتار ەشقاشان ۇمىتپايدى».
بيىلعى جىلى 1990-جىلعا دەيىن ەلدىڭ پرەمەر-ءمينيسترى بولعان سينگاپۋر كوشباسشىسى، مارقۇم لي كۋان يۋعا ەرەكشە قۇرمەت كورسەتىلدى. تاڭەرتەڭگى ساعات 9 دان باستاپ تەليەۆيدەنيە مەن راديودان لي كۋان يۋ-ءدىڭ ەل تاۋەلسىزىگىنىڭ دەكلاراتسياسىن وقىعان جازباسى بەرىلدى.
سينگاپۋردا بۇكىل قالا قىزىل تۇسكە مالىنعان، ۇلتتىق كيىم كيىنگەن ءجۇز مىڭداعان تۇرعىندار حالىق سەرۋەنىنە قاتىسۋدا. سينگاپۋردا تەگىن كونسەرتتەر وتۋدە، اۆياشوۋ، اۋقىمدى شەرۋ ءوتتى. تەليەۆيدەنيە مەن راديو سينگاپۋر تۋرالى پاتريوتتىق اندەر شىرقاۋدا.
سينگاپۋر 1965-جىلى ءوزىنىڭ تاۋەلسىزدىگىن الدى. پرەمەر-مينيستر لي كۋان يۋ ەلدى الەمنىڭ باي ەلدەرىنىڭ بىرىنە اينالدىردى. ونىڭ ەل باسقارعان تۇسىندا ەل تۇرعىندارىنىڭ 90 پايىزى ءوز ۇيلەرىنە قول جەتكىزدى، حالىقتىڭ جان باسىنا شاققانداعى ءى ج و 56 مىڭ دوللارعا جەتتى.