بۇل تۋرالى كيودو اقپاراتتىق اگەنتتىگى حابارلادى.
وسىلايشا، جاپونيا بيلىگى ەلدىڭ سولتۇستىك شىعىسىن قالىپقا كەلتىرۋ ءۇشىن جالپى العاندا 30 تريلليون يەننەن استام ($250 ميلليارد استام) قاراجاتتى جۇمساماق. ونىڭ نەگىزگى بولىگى كوپ زالال كەلتىرىلگەن يۆاتە، مياگي جانە فۋكۋسيما پرەفەكتۋرالارىندا جاڭا ۇيلەردىڭ قۇرىلىسىنا، سونداي- اق ايماقتاعى الداعى ۋاقىتتا بولۋى مۇمكىن تابيعي اپاتتارعا دايىندىق جۇمىستارىنا باعىتتالادى.
9,0 ماگنيتۋدالى جەر سىلكىنىسى مەن 2011 - جىلدىڭ ناۋرىزىنداعى سۋنامي سالدارىنان جاپونيادا 18 مىڭنان استام ادام قازا تاپتى. 350 مىڭنان استامى باسپاناسىز قالسا، تاعى 600 مىڭى قاۋىپسىز جەرگە كوشۋگە ءماجبۇر بولدى.