بۇل تۋرالى بۇگىن قازاقپارات تىلشىسىنە قىزىلوردا وبلىستىق اۋىل شارۋاشىلىعى باسقارماسىنىڭ باسشىسى داۋىربەك ءابۋوۆ ءمالىم ەتتى.
ونىڭ سوزىنە قاراعاندا، وڭىردەگى كۇرىش شارۋاشىلىعىن دامىتۋعا زور قولداۋ كورسەتىلۋدە. بۇعان قوسا، ايماقتا جاڭا تەحنولوگيالاردى ەنگىزۋگە، كۇرىشتىڭ جاڭا سۇرىپتارىن ساتىپ الۋعا قارجىلاندىرۋ ارتىپ كەلەدى. د. ءابۋوۆتىڭ ايتۋىنشا، وسىنداي قولداۋدىڭ ارقاسىندا كۇرىش ونىمدىلىگى ارتۋدا. ماسەلەن، 2 جىل بۇرىن گەكتارىنان 40 سەنتنەر ءونىم الىنسا، اعىمداعى جىلى بۇل كورسەتكىش 50 سەنتنەرگە جەتتى.
«جالپى، ءبىز قازاقستاندى تولىعىمەن كۇرىشپەن قامتىپ وتىرمىز. ال ارتىعىن شەتەلگە شىعارامىز. ولاردىڭ قاتارىندا اۋعانستان، تۇركىستان، مىسىر، وزبەكستان، قىرعىزستان، رەسەي سىندى ەلدەر بار. ءوزىمىزدىڭ ىشكى نارىققا 100-120 مىڭ توننا كۇرىش جەتكىلىكتى. ەگەر ءبىز شامامەن 150-160 توننا كۇرىش الساق، ونىڭ 40-50 مىڭ تونناسىن ەكسپورتقا شىعارامىز»، - دەدى باسقارما باسشىسى.
اۆتور: مارلان جيەمباي