تەرەڭدىگى 50 مەتر شاتقالعا جولاۋشىلار اۆتوبۋسى قۇلاپ كەتتى
08:45, 30 - شىلدە 2014
استانا. قازاقپارات - پەرۋ استاناسى ليمادان سولتۇستىككە قاراي ءىرى اپات ورىن الدى، جولاۋشىلار مىنگەن اۆتوبۋس شاتقالعا قۇلاپ كەتىپ، سالدارىنان 18 ادام اجال قۇشتى، دەپ حابارلايدى پەرۋلىك RPP راديوستانساسى.
بۇدان باسقا، جەتى ادام جارالانعان.
قايعىلى وقيعا كاحاتامبو قالاسىنىڭ ماڭىندا بولعان. ءتۇن ىشىندە قاتتى نوسەردەن كەيىن تايعاقتانعان جولمەن كەلە جاتقان اۆتوبۋستىڭ جۇرگىزۋشىسى ءرولدى باسقارا الماي قالعان. سالدارىنان كولىك تەرەڭدىگى 50 مەتر شاتقالعا قۇلاپ كەتكەن.
زارداپ شەككەندەر اۋرۋحانالارعا جەتكىزىلگەن. ال قازا تاپقانداردىڭ دەنەلەرىن الىپ شىعۋ جۇمىستارى ءبىراز ۋاقىتقا سوزىلعان.