جەتىسۋ وبلىسىندا 500 گە جۋىق شەت ەل ازاماتى جازالاندى
جىل باسىنان بەرى وڭىردە كوشى-قون زاڭناماسى بويىنشا 2151 ادام جاۋاپكەرشىلىككە تارتىلعان. زاڭ بۇزۋشىلاردىڭ جالپى سانىنان 463 شەتەلدىك جانە 1688 قازاقستاندىق ازاماتتار.
«بيىل ءبىزدىڭ دەرەكتەر بويىنشا وبلىس اۋماعىنا 4213 شەتەلدىك ازامات كەلگەن. ولار كوشى-قون قىزمەتى بولىمشەلەرىندە تىركەلدى. ونىڭ ىشىندە الىس شەتەلدەردىڭ تۇرعىندارى – 318، ت م د ەلدەرىنەن - 3895. نەگىزىنەن ايماققا وزبەكستان ازاماتتارى كەلگەن. ولاردىڭ سانى 3354 ادام. سونداي-اق رەسەي ازاماتتارى - 375. سونىمەن قاتار، 248 شەتەلدىك، نەگىزىنەن ق ح ر ازاماتتارى ۆيزالارىن زاڭدى تۇردە ۇزارتىپ، تىركەۋ جانە حابارلاما ارقىلى وبلىس اۋماعىندا تىركەلدى»، - دەدى وبلىستىق كوشى-قون پوليتسياسىنىڭ باسشىسى ەرلان رايىمبەكوۆ. كوشى-قون قىزمەتىنىڭ باسشىسى ب ا ق وكىلدەرى الدىندا سويلەگەن سوزىندە پوليتسيا قىزمەتكەرلەرىنىڭ «ميگرانت» جانە «نەلەگال» پروفيلاكتيكالىق ءىس-شارالارىنىڭ قورىتىندىسىن دا جاريا ەتتى.
«كوشى-قون جەلىسى بويىنشا زاڭ بۇزۋشىلىقتار نەگىزىنەن نىسانالى تۇردە وتكىزىلەتىن پروفيلاكتيكالىق ءىس-شارالار بارىسىندا انىقتالادى. شەتەلدىك جۇمىس كۇشى ءجيى پايدالانىلاتىن بازارلارعا، قۇرىلىستارعا جانە باسقا دا نىساندارعا اسا نازار اۋدارىلادى. شەتەلدىك ازاماتتاردىڭ ۋاقىتشا تۇرعىلىقتى جەرى، تىركەلگەنى، كەلۋ ماقساتى جانە ت. ب. تەكسەرىلەدى. ياعني، ولاردىڭ وبلىسقا تۋريست نەمەسە ەڭبەك ميگرانتتارى رەتىندە نەمەسە باسقا دا سەبەپتەرمەن كەلگەنى دە مۇقيات تەكسەرىلەدى. وتانداستار اراسىندا دا كوشى-قون زاڭناماسىن بۇزۋ فاكتىلەرى انىقتالدى»، - دەپ تولىقتىردى پوليتسەيلەر.