ەۋروپا ەلدەرى سوڭعى 500 جىلدا بولماعان تابيعي اپاتتان زارداپ شەگۋدە
بۇل سۋ قويماسى يۋرا تاۋ جوتاسىندا 12 مىڭ جىل بۇرىن پايدا بولعان. بۇرىن ونىڭ تەرەڭدىگى 18 مەترگە جەتسە، بيىلعى جازدا كول دەرلىك تولىعىمەن قۇرعاپ قالدى. بريۋسسەلدە ەۋروپاداعى رەكوردتىق ىستىق اۋا جازدىڭ تابيعات پەن ادامدارعا تيگىزەتىن اسەرىن الاڭداۋشىلىقپەن زەرتتەپ جاتىر.
«جۇرگىزىلگەن مونيتورينگ ەۋروپانىڭ كوپتەگەن بولىكتەرىندەگى اپتاپ ىستىق پەن قۋاڭشىلىق وسى جازدا ەگىن ونىمدىلىگىنە قاتىستى بولجامدى ايتارلىقتاي تومەندەتەتىنىن كورسەتىپ وتىر. ەۋروپالىق كوميسسيا عالىمدارىنىڭ پىكىرىنشە، باتىس جەرورتا تەڭىزىنىڭ باتىس بولىگىندە اۋا رايى قاراشا ايىنا دەيىن ادەتتەگىدەن جىلى جانە قۇرعاق بولادى. بۇرىن ايتىلعانداي، قازىرگىدەي قۇرعاقشىلىق كەم دەگەندە 500 جىل بويى بولماعان»، - دەدى ەۋروكوميسسيا وكىلى يوحاننەس باركە.
ەگىننىڭ شىقپاۋى - قۇرعاقشىلىقتىڭ جالعىز سالدارى ەمەس. ەۋروپانىڭ كوپتەگەن قالالارى مەن اۋىلدارىندا، مىسالى، فرانسيانىڭ وڭتۇستىك- شىعىسىنداعى لە بۋشە-سەن- نيكولدە تۇرعىندار ءۇشىن اۋىز سۋ جەتكىلىكسىز. ونى جۇك كولىكتەرىمەن جەتكىزۋگە تۋرا كەلىپ وتىر. وزەندەر مەن كولدەردە سۋ دەڭگەيىنىڭ تومەندەۋى ەكولوگيالىق پروبلەمالاردى تۋدىرۋدا. كوپتەگەن سۋ قويمالارىندا بالىقتار قىرىلىپ، كەمە تاسىمالى توقتاپ تۇر.
سونىمەن بىرگە ىستىق پەن قۇرعاقشىلىقتىڭ 700 مىڭ گەكتار ورمان ورتەنىپ كەتكەن.