ولار كەشكى بەسكە دەيىن جۇمىس ىستەيدى، ءبىراق اۋماعى 500 شارشى مەتردەن اسپاۋى ءتيىس. تاپ وسى ۋاقىتتان باستاپ فوتوسالوندار، گۇل ساتاتىن دۇڭگىرشەكتەر، اقشا ايىرباستاۋ پۋنكتتەرى مەن ساقتاندىرۋ كومپانيالارى دا جۇمىسىن باستايدى. ال شاشتاراز بەن مەديتسينالىق مەكەمەلەرگە الدىن الا جازىلىپ، سودان كەيىن عانا باراسىز. بۇل تۋرالى مەملەكەتتىك كوميسسيانىڭ بۇگىنگى وتىرىسىندا بەلگىلى بولدى. ودان بولەك، دالادا بوي جازىپ، سپورتپەن شۇعىلدانۋعا دا رۇقسات بەرىلەدى.
وسىعان دەيىن نۇر- سۇلتان مەن الماتى اراسىندا ۇشاقتىڭ قاتىنايتىنىن ايتقانبىز. 4- مامىردان باستاپ قوس قالادان قىزىلوردا، پەتروپاۆل، وسكەمەن جانە سەمەيگە ۇشۋعا بولادى. تەك جولاۋشىلار اراقاشىقتىقپەن وتىرعىزىلادى. ءبىراق بوساڭسۋعا ءالى ەرتە. كوميسسيا ساقتىق شارالارىنا مۇقيات بولۋدى ەسكەرتەدى
اسقار مامين، ق ر پرەمەر- ءمينيسترى:
- بارلىق وڭىردە دۇكەندەر ءوز جۇمىستارىن باستايتىن بولادى. ودان بولەك، الەۋمەتتىك ماڭىزى بار ءبىرقاتار نىسان دا اشىلادى. ولاردىڭ قاتارىندا، شاشتاراز بەن ءتىس دارىگەرى تاعى مەديتسينالىق مەكەمەلەر بار. تەك بۇلار الدىن الا جازىلۋ بويىنشا قىزمەت كورسەتۋى ءتيىس. ودان بولەك، لومباردتار، جارناما اگەنتتىكتەرى مەن جىلجىمايتىن مۇلىك پەن وپەراتسيالاردى جۇزەگە اسىراتىن كومپانيالاردىڭ جۇمىسى جاندانادى. ءبىراق قاتاڭ ءتارتىپ ساقتالادى. ياعني ساقتىق شارالارىن ۇمىتپاۋىمىز كەرەك. اكىمدىكتەگىلەر وسى جاعدايدى قاداعالاۋ كەرەك.