كوروناۆيرۋستىڭ كەسىرىنەن قيىن جاعدايعا تاپ بولعان جانۇيالارعا ەڭ قاجەتتى دەگەن تاماق ونىمدەرىن جەتكىزىپ بەردى، دەپ حابارلايدى قازاقپارات ءتىلشىسى.
وسىلايشا، كاسىپكەر اۋىزاشاردى ەرەكشە فورماتتا ۇيىمداستىردى.
ىسكەر ازاماتتىڭ باستاماسىن قولداعان «شىمكەنت دوبرياكوۆ كلۋبى» مەن جاستار رەسۋرستىق ورتالىعىنىڭ «جاستار ۆولونتەرلەر ليگاسى»، جۋرناليستەر مەن اكىمدىك قىزمەتكەرلەرى، تاكسي پاركىنىڭ وكىلدەرى ازىق-تۇلىكتى جەتكىزىپ بەرۋ ىسىندە بەلسەندىلىك تانىتتى.
«بيىل ورازا ايى قيىن ۋاقىتقا ءتۇستى. مەن ەلباسىنىڭ ۇندەۋى مەن قالا اكىمىنىڭ ۇندەۋىنە قولداۋ كورسەتىپ، بۇگىندە مۇقتاج جاندارعا كومەكتەسۋدى ءجون كوردىم. ءداستۇر بويىنشا، ورازا كەزىندە كوپشىلىك ادام اۋىز اشار جاسايدى. مەن بيىل اۋىزاشاردى وسىنداي كومەككە الماستىرۋعا شەشىم قابىلدادىم. مەنىڭ ويىمشا، بۇل الدەقايدا ماڭىزدى. ويتكەنى الەمنىڭ بارلىق دىندەرىندە كومەككە مۇقتاج ادامدارعا ءارقاشان كومەك كورسەتۋگە، قولداۋعا شاقىرادى. مەن بارشا ازاماتتاردى بۇل باستامانى قولداۋعا شاقىرامىن. بۇگىندە ەلىمىزدە قانشاما ءتۇرلى چەللەندجدەر بار. بۇل جاقسىلىق چەللەندجىنىڭ باستاماسى بولسىن»، - دەدى باۋىرجان اناربەكوۆ.