تارازدا 500 ونەرپاز بەلگىلى كۇيلەردى بىرلەسىپ ورىندادى
كەنەن ازىربايەۆ اتىنداعى وبلىستىق فيلورمونيانىڭ ۇيىمداستىرۋىمەن وتكەن ءىس-شاراعا 500 دەن استام ونەرپاز قاتىستى.
اتالمىش فيلارمونيانىڭ قازاق ۇلت اسپاپتار وركەسترى دە شارانىڭ كورىگىن قىزدىردى. بارلىق قاتىسۋشىلار بىرلەسىپ تۇركەشتىڭ «كوڭىلاشار» كۇيىن، ق ر مادەنيەت قايراتكەرى امان مولدىبايەۆتىڭ باستاماسىمەن «كونە تاراز» كۇيىن، كۇيشى-كومپوزيتور، قازاقستاننىڭ ەڭبەك سىڭىرگەن ونەر قايراتكەرى ءابدىمومىن جەلدىبايەۆپەن بىرلەسە «ەركە سىلقىم» كۇيىن، قۇرمانعازى ساعىرباي ۇلىنىڭ «بالبىراۋىن» جانە «سارىارقا» كۇيلەرىن شەبەرلىكپەن ورىنداپ، تىڭداۋشىلاردىڭ قۇلاق قۇرىشىن قاندىردى.
«ءار قازاق ءۇشىن كيەلى دومبىرا - ۇلتىمىزدىڭ سيمۆولى، قازاق كۇيى - ادام جانىن تەبىرەنتەدى، كەرەمەت سەزىمگە بولەيدى، جۇرەكتى تەربەپ، كوتەرىڭكى كوڭىل كۇي سىيلايدى، تەرەڭ ويلاردى سوزدەن ارتىق جەتكىزەدى. كوشپەندىلەر زامانىندا دا سولاي بولعان، ءالى دە سولاي. بۇگىنگى مىنا ءىس-شارا سونىڭ ءبىر ايعاعى دەسەك قاتەلەسپەيمىز»، - دەيدى بەلگىلى كۇيشى-كومپوزيتور ءابدىمومىن جەلدىبايەۆ.