سولتۇستىك قازاقستاندا ايىنا 500 توننا سۇيىق سابىن شىعارىلادى
اي سايىن جەرگىلىكتى تاۋار ءوندىرۋشى 100 توننا سۇيىق سابىن شىعارىپ جاتىر. نارىقتا سۇرانىسقا يە ءونىمدى وزدەرى وندىرەدى. ونىڭ سىرتقى قاپتاماسىن دا وزدەرى جاساپ شىعارۋدا.
«ىدىستى جاساپ شىعارۋ ءۇشىن پوليمەرلەر قولدانىپ جاتىرمىز. قازىر بوتەلكە ءۇشىن شيكىزات وندىرەتىن تەحنولوگيانى جاساۋدامىز. زاماناۋي اتاۋى Bottle in Bottle. پەت- بوتەلكەلەردى جيناپ، ونى قايتا وڭدەيمىز جانە ولاردان قاپتاما جاسايمىز»، - دەدى «رادۋگا» ج ش س زاۋىتىنىڭ ديرەكتورى ەۆگەنيي لي.
كومپانيا سابىن جاساۋ ءۇشىن شيكىزاتتى قازاقستاندا جانە كورشى رەسەي وڭىرلەرىنەن ساتىپ الادى. ەكسپورتقا ءونىمنىڭ % 15 كەتەدى.
«ءبىز تۇرمىستىق حيميا فابريكاسىن اشىپ، قاتتى سابىن ءوندىرۋدى باستاۋدى جوسپارلاپ وتىرمىز. مۇنداي ءوندىرىس رەسەيدە بار، ءبىراق قازاقستاندا جوق. جابدىقتاردى ساتىپ الدىق. ونى مونتاجداۋ ءۇشىن قىتايدان ماماندار كەلە جاتىر. شىلدەدە وندىرىستىك قۋاتتىلىققا شىعۋدى كوزدەپ وتىرمىز. اي سايىن 500 توننا سۇيىق جانە قاتتى سابىن شىعارامىز»، - دەدى ەۆگەنيي لي.
ءوندىرۋشى سولتۇستىك قازاقستاندىق سابىننىڭ باعاسى ارزان، ءارى ساپاسى دا يمپورتتىق تاۋاردان كەم تۇسپەيدى دەپ سەندىردى.