ءتارتىپ ساقشىلارى اتىپ ولتىرگەن ءاربىر ءتورتىنشى مارقۇم پسيحيكالىق سىرقاتقا شالدىققان بولىپ شىقتى. تاعى وسىنشاماسى قارا ءناسىلدى ازاماتتار. قايعىلى وقيعالاردىڭ دەنى كاليفورنيا مەن تەحاس شتاتىندا تىركەلىپ وتىر. سونداي- اق جارتى جىل ىشىندە 21 پوليتسەي قىزمەت بابىندا قازا تاپقان. بۇل بىلتىرعى كورسەتكىشپەن سالىستىرعاندا ەكى ەسە از.
ايتا كەتكەن ءجون، «ۆاشينگتون پوست» تىلشىلەرى ءتيىستى ساناقتى 2014 - جىلدان بەرى جۇرگىزىپ كەلەدى. ويتكەنى ول كەزدە فەرگيۋسون قالاسىندا كۇشتىك قۇرىلىم وكىلدەرى جەتكىنشەكتى اتىپ ولتىرگەن ەدى. جاسوسپىرىمنىڭ قازاسى جەرگىلىكتى جۇرتتىڭ اراسىندا ۇلكەن الاڭداۋشىلىق تۋدىردى.