الماتىلىق كاسىپكەر 500 بالاعا ەكسپو بيلەتىن الىپ بەردى
08:44, 17 - ماۋسىم 2017
استانا. قازاقپارات - الماتىلىق بيزنەسمەن دولكۋنتاي ابدۋلحاليل 500 بالاعا ەكسپو- عا بيلەت ساتىپ الىپ بەردى. تۇرمىسى تومەن وتباسىدان شىققان بۇلدىرشىندەر كورمەدەگى پاۆيلونداردى ارالاپ، ونداعى جاسىل ەنەرگەتيكا سالاسىنداعى جوبالاردى قىزىقتاپ شىقتى، دەپ جازادى «حابار 24».
كاسىپكەر بيزنەستىڭ الەۋمەتتىك جاۋاپكەرشىلىگى اياسىندا وسى ىسپەتتەس قايىرىمدى ىستەرمەن ءجيى اينالىساتىنىن ايتادى. ماسەلەن بۇعان دەيىن جەتىم قالعان مۇگەدەك بالاعا پروتەز جاساتىپ، شىمكەنتتە اۋرۋ اناسىن باعىپ وتىرعان جانۇياعا باسپانا الىپ بەرگەن. دولكۋنتاي ابدۋلحاليل وسىنداي قامقورلىعى ءۇشىن «التىن جۇرەك» سىيلىعىمەن دە ماراپاتتالعان.
«ءبىراز بالانى الىپ كەلدىك. ەكسپو- نى، ەلباسىمىزدىڭ ۇلكەن ەڭبەگىن كورسەتۋ ءۇشىن. بيزنەستىڭ قولداعانىن كورسەتۋ ءۇشىن. ەكسپو- دان كوپ اسەر الدىق. ماقساتىمىز - قازاقستاندى كوتەرۋ. حالىقتىڭ ءال- اۋقاتىن جاقسارتۋ. ەلباسىمىز بىزگە دە كوپ كومەك كورسەتىپ جاتىر»، - دەيدى كاسىپكەر دولكۋنتاي ابدۋلحاليل.