بۇل كۇنى 500 گە جۋىق مەرزىمدى قىزمەتكە شاقىرىلعان اسكەري قىزمەتشى وتانعا ادال بولۋ ءۇشىن اتا- انالارىنىڭ، كومانديرلەرى مەن قىزمەتتەستەرىنىڭ، سونداي- اق ۇلى وتان سوعىسى جانە ق ر قارۋلى كۇشتەر ارداگەرلەرىنىڭ الدىندا انت قابىلدادى.
ولار قاسيەتتى بورىشىن وتەۋ ءۇشىن استانا مەن الماتى قالالارىنان، سونداي- اق اقمولا، جامبىل، قاراعاندى، پاۆلودار، اقتوبە، الماتى، وڭتۇستىك قازاقستان، باتىس قازاقستان جانە شىعىس قازاقستان وبلىستارىنان كەلدى.
اسكەر قاتارىن تولىقتىرعاندار مەديتسينالىق كوميسسيادان ءوتتى. تاجىريبەلى دارىگەرلەر مەن پسيحولوگتار اسكەرگە جاڭا شاقىرىلعانداردىڭ مورالدىق- پسيحولوگيالىق جاعدايى مەن دەنساۋلىعىن انىقتاي وتىرىپ قاتاڭ ىرىكتەۋدەن وتكىزدى.
قارۋلى كۇشتەرىنىڭ قاتارىن تولىقتىرا وتىرىپ ولار وتاندى قورعاۋداعى قاسيەتتى اسكەري مىندەتىن اتقارادى جانە ەلگە قالتىقسىز قىزمەت ەتەدى.
«قازىرگى ۋاقىتتا ارمياعا دەنى ساۋ، ءبىلىمدى، سونىمەن قاتار مورالدىق تۇرعىدا بەرىك جاستار الىنۋدا. ولار ءبىزدىڭ داڭقتى جاۋىنگەرلىك ءداستۇرىمىزدىڭ لايىقتى مۇراگەرلەرى، سونداي- اق ەلىمىزدى كىرپىك قاقپاي قورعاۋدا قىزمەت ەتۋدىڭ تاماشا ۇلگىسى بولارى انىق. اسكەري انت - اسكەرگە شاقىرىلۋشىنىڭ الدىنداعى ەرەكشە ماڭىزدى ءسات، سەبەبى وتان الدىندا ادال بولۋ ءۇشىن انت قابىلداعان ساتتەن باستاپ ونىڭ ومىرىندە ناعىز اسكەري قىزمەت باستالاتىنىن ايتا كەتكەن ءجون»، دەلىنگەن اقپار حاتتا.