ق ر پرەزيدەنتى: 500 ميلليارد تەڭگە زەينەتاقى جيناقتارى ۆاليۋتاعا ايىرباستالادى
سونىمەن قاتار، ب ج ز ق پورتفەلىن ءارتاراپتاندىرۋدى جانە ازاماتتاردىڭ زەينەتاقى جيناقتارى كىرىستىلىگىن ارتتىرۋدى قامتاماسىز ەتۋ ماقساتىندا سىرتقى نارىقتاردا ينۆەستيتسيالاۋ ءۇشىن 500 ملرد. تەڭگەنى شەتەل ۆاليۋتاسىنا ايىرباستاۋ ەسكەرىلگەن.
مۇنىمەن قوسا، 600 ميلليارد تەڭگە زەينەتاقى اكتيۆتەرى كىرىستىلىگىن ارتتىرۋ مەن ساقتاۋ ءۇشىن قايتارىمدى نەگىزدە جانە نارىقتىق پايىزدىق ستاۆكامەن ەكىنشى دەڭگەيلى بانكتەر مەن ۇلتتىق حولدينگتەردىڭ شارتتالعان وبليگاتسيالارىن الۋعا باعىتتالاتىن بولادى.
بۇدان كەيىن وسى قارجى ەكونوميكانىڭ ماڭىزدى سەكتورلارىن ىنتالاندىرۋ ءۇشىن ينۆەستيتسيالانادى. نەگىزگى باعىتتاردىڭ ىشىندە اينالىم كاپيتالىندا شوب قاجەتتىلىگىن شارتتالعان تۇردە قارجىلاندىرۋ جانە زايمداردى قايتا قارجىلاندىرۋ قامتىلعان. بۇل ءوز كەزەگىندە كاسىپكەرلەردىڭ 700 جوباسىن قارجىلاندىرۋعا، 14 مىڭ جۇمىس ورنىن قۇرۋعا، سونداي-اق 540 ميلليارد تەڭگە سوماسىنداعى ءونىمدى ساتۋعا جانە 60 ميلليارد تەڭگەگە جۋىق بيۋدجەتكە سالىق ءتۇسىمىن قامتاماسىز ەتۋگە مۇمكىندىك بەرەدى.
ەكىنشىدەن، قازاقستاننىڭ وڭتۇستىگىندە ەنەرگيا تاپشىلىعىن تومەندەتۋ ماقساتىندا «KEGOC» اق- نىڭ «سولتۇستىك- شىعىس- وڭتۇستىك» جوباسىن جۇزەگە اسىرۋدى جىلدامداتۋ قاراستىرىلىپ وتىر.
ءۇشىنشى باعىتتا ا و ك- تىڭ باسىم جوبالارىن قارجىلاندىرۋ قامتىلعان، ونىڭ ىشىندە ەت پەن ءسۇتتى ءوندىرۋ جانە وڭدەۋ بويىنشا جوبالارعا ءمان بەرىلەدى.
ال تورتىنىشىدەن، 3456 اۋىلدىق ەلدى مەكەندەردە ينتەرنەت جەلىسىنە كەڭ جولاقتى قولجەتىمدىلىكتى قامتاماسىز ەتۋ نازارعا الىنۋدا.