ستۋدەنتتەردىڭ سوزىنە سەنسەك، ۋنيۆەرسيتەت 500 گە جۋىق ءبىلىم الۋشىنىڭ اقشاسىن جىمقىرعان.
ولار وقۋ اقىسىن ۋنيۆەرسيتەت ەسەپشىلەرىنە تولەپ وتىرعان. كوپشىلىگى وقۋ اقىسىن تولەگەنى راستالعاننان كەيىن ەمتيحاندارعا ەش كەدەرگىسىز كىرگىزىلگەن. تاعى ءبىر بولىگىنىڭ ماسەلەسى وقۋ جىلى اياقتالار تۇستا شىعا باستاعان. ياعني وقۋ اقىسى تولەنبەگەندىكتەن، ەمتيحانعا كىرگىزىلمەگەن، ديپلومدارىن بەرە المايتىندارىن ايتقان.
وسى وقۋ ورنىنىڭ حالىقارالىق قاتىناستار فاكۋلتەتىن ءتامامداپ، ديپلومىن الا الماي وتىرعان اسەل قىدىرباي ءوز جەكە باسىنداعى جاعدايدى NUR. KZ تىلشىسىنە بايانداپ بەردى.
«مەن العاشىندا اقىلاي بولىمدە وقىدىم. ول كەزدە اقشامدى ءوزىمىزدىڭ ەسەپشىلەرگە تولەپ وتىردىم. از ۋاقىتتان كەيىن ماعان جەڭىلدىكتەر بەرىلدى. ياعني وقۋ اقىسى بويىنشا. ونى ەسەپشىلەر «ءبىز سەندەرگە وسىنشاما جەڭىلدىكتەر بويىنشا كومەكتەسىپ وتىرمىز. ەندى سەندەر دە بىزگە كومەك كورسەتىڭدەر» دەدى. سوسىن، قانداي كومەك كەرەكتىگىن سۇرادىم.
ولار «سەنىڭ ەسەبىڭە اقشا ءتۇسىپ تۇرادى سونى بىزگە جەتكىزىپ وتىر» دەدى. ويىمدا تۇك جوق. «اپاي، ونىڭ قيىندىعى جوق» دەپ 5 رەت ءتۇرلى سومادا ءوز ەسەبىمە تۇسكەن اقشانى بەرىپ وتىردىم. ەندى ۋنيۆەرسيتەت ماعان «وقۋىڭنىڭ 400000 تەڭگەسىن تولەمەگەنسىڭ، ءارى ەسەبىڭە 2.300000 تەڭگە تۇسكەن ءبارىن قايتاراسىڭ. بولماسا ديپلوم جوق» دەپ وتىر.
مەن سياقتى 200 ستۋدەنت وسى ماسەلە بويىنشا الماتىداعى ءى ءى د- نە شاعىم جازعان. ستۋدەنتتەردىڭ كوبىسى ماسەلەنى ۋشىقتىرماس ءۇشىن وسىنداي قارىزدارىن قايتادان تولەدى. قازىر بىزدەگى بار ماعلۇمات بويىنشا ج و و ءتورت ەسەپشىسى تەرگەۋ اباقتىسىنا جابىلعان. ەندى اسلان ءسارىنجىپوۆ پەن پرەزيدەنتكە، ۇكىمەت باسشىسىنا حات جازۋدى جوسپارلاپ وتىرمىز»- دەيدى ستۋدەنت.
اسەل قىدىرباي ءوزىنىڭ، ءوزى سىندى ستۋدەنتتەردىڭ وسى ماسەلەنى حالىققا جايماۋىن تالاپ ەتىپ قوقان-لوققى كورسەتۋشىلەردىڭ دە پايدا بولعانىن ايتادى.
قازىرگە الماتى قالاسى بويىنشا ءى ءى د قىزمەتكەرلەرى تەرگەۋ جۇمىستارى ءالى دە جالعاسىپ جاتقاندىقتان، قانداي دا ءبىر اقپارات بەرۋدەن باس تارتتى. ال ج و و وكىلدەرى ماسەلە بويىنشا جۋرناليستەرگە جاۋاپ قاتۋدان باس تارتىپ وتىر.
دەرەككوز: Nur.kz