«سيفرلاندىرۋ باعىتى بويىنشا ەلەكتروندى كوممەرتسيانى دامىتۋ جاعىنان ۇلكەن جۇمىس اتقارىلىپ جاتىر. پاندەميا ءبىر جاعىنان ءبىزدىڭ قازىرگى باعدارلامالارىمىزدى ۇيلەستىرۋ جانە ولارعا وزگەرىس ەنگىزۋ شارۋاسىن ەداۋىر ىنتالاندىرا ءتۇستى. كەيىنگى جىلدارى ەلەكتروندى كوممەرتسيانىڭ دەڭگەيى ءوسىپ بارا جاتقانىن تۇسىنەمىز. الايدا ايماقتاردا ونىڭ قۇرالدارىن دامىتۋ كەرەك»، - دەدى باقىت سۇلتانوۆ و ك ق- دا وتكەن باسپا ءسوز ءماسليحاتىندا.
مينيستر بۇل رەتتە تەك ەلەكتروندى ساۋدا الاڭدارى تۋرالى عانا ەمەس، لوگيستيكا، تولەم جۇيەلەرى مەن فۋلفيلمەنت ورتالىقتارى، بوندتى قويمالار، تاۋارلار مەن قىزمەتتەردىڭ تاسىمالداۋشىلارى سەكىلدى ينفراقۇرىلىمدار تۋرالى ايتىپ وتىرعانىن جەتكىزدى.
«ءبىز سونىمەن قاتار ترانسشەكارالىق ساۋدا سالاسىندا ەلەكتروندى الاڭدارعا كوبىرەك ءمان بەرىپ كەلەمىز. ساۋدا جانە ينتەگراتسيا مينيسترلىگى Alibaba پلاتفورماسىنا 50 كومپانيانى شىعارۋ بويىنشا اسا اۋقىمدى جۇمىستى اتقاردى. بيىل تاعى 50 كومپانيا اتالمىش پلاتفورمادا اككاۋنتقا يە بولادى. ءبىز سونىمەن بىرگە كومپانيالارىمىزدى باسقا دا ەلەكتروندى ساۋدا الاڭدارىنا شىعارۋ ءۇشىن رەسەي، كانادا، ەۋروپا ەلدەرىمەن قىزۋ جۇمىس جۇرگىزىپ جاتىرمىز»، - دەدى باقىت سۇلتانوۆ.
اۆتور: ايان بەكەن ۇلى