وزبەكستاننىڭ 50 اتاقتى اسپازى 8 توننا پالاۋ ءپىسىردى - فوتو، كەسكىن
ۇيىمداستىرۋشىلار 8 -قىركۇيەكتە وتەتىن ماڭىزدى شاراعا دايىندىق بارىسىن، ياعني سالماعى 8 توننا پالاۋدى ازىرلەۋ كەزىندە تۇسىرىلگەن ۆيدەو مەن سۋرەتتەردى جاريا ەتتى.
پالاۋ ديامەترى 4,2 مەتر جانە سىيىمدىلىعى 8 مىڭ ليترلىك قازاندا ءپىسىرىلدى. ونى وسى شاراعا ارناپ المالىق تاۋ-مەتاللۋرگيالىق كومبيناتى قۇيدى. قازاننىڭ جالپى سالماعى 7070 كەلى، تەرەڭدىگى - 1 مەتر. قازان قويىلاتىن وشاقتىڭ ءوزىنىڭ سالماعى 3 توننا.
اتالمىش استى ءپىسىرۋ ءۇشىن 826 كەلى سيىر ەتى، 825,5 كەلى قوي ەتى، 195 كەلى قويدىڭ مايى مەن 1650 كەلى كۇرىش پايدالانىلعان. سونىمەن قاتار، قازانعا 2400 كەلى ءسابىز، 185 كەلى پياز، 350 ليتر وسىمدىك مايى مەن 48 كەلى تۇز سالىنعان. ال استىڭ ءدامىن كەلتىرۋ ءۇشىن 4,5 كەلى زيرە (تمين)، 165 كەلى سيىرقاراقات (بارباريس)، 90 كەلى بۇرشاق پەن 3 كەلى قارا بۇرىش قوسىلدى.
وسى پالاۋدى ازىرلەۋگە وزبەكستاننىڭ تۇكپىر تۇكپىرىنەن 50 اتاقتى اسپاز جينالدى. كۇرىشتى كۇيدىرىپ الماس ءۇشىن ولار ۇزىندىعى 2 مەترلىك وجاۋمەن ارالاستىرىپ وتىرعان.