قازاقستاندا 5 مينۋت ىشىندە كورسەتىلەتىن مەمقىزمەتتەر ۇلەسى 90 پايىزعا جەتكىزىلمەك

فوتو:
استانا. قازاقپارات - ۇكىمەتتە ق ر پرەمەر- ءمينيسترى ءاليحان سمايىلوۆتىڭ توراعالىعىمەن وتكەن كەڭەستە تسيفرلىق ترانسفورماتسيا، IT سالانى دامىتۋ جانە كيبەرقاۋىپسىزدىك تۇجىرىمداماسىنىڭ 2023-2029 -جىلدارعا ارنالعان جوباسى قارالدى.

بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.

سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين تۇجىرىمدامانى ىسكە اسىرۋ 5 مينۋت ىشىندە كورسەتىلەتىن مەملەكەتتىك قىزمەتتەردىڭ ۇلەسىن � عا دەيىن ۇلعايتۋعا، مەملەكەتتىك ورگانداردىڭ بيزنەس- پروتسەستەرىن تولىق سيفرلاندىرۋعا، 250 مىڭنان استام بىلىكتىلىگى جوعارى IT كادرلاردى دايارلاۋعا، IT ونىمدەر مەن قىزمەتتەر ەكسپورتىنىڭ كولەمىن $1,5 ميللياردقا دەيىن ۇلعايتۋعا، سونداي- اق Astana Hub تەحنوپاركى اياسىندا شامامەن 1 تريلليون تەڭگە ينۆەستيتسيا تارتۋعا مۇمكىندىك بەرەتىنىن باياندادى.

«جالپى جاستار اراسىندا IT سالا ەكونوميكا، قارجى جانە قۇقىقتانۋدان گورى كوبىرەك تاڭدالادى. جاستاردىڭ كوبى IT ينجينيرينگكە جانە وسى سالانىڭ باسقا دا باعىتتارىنا بارعىسى كەلەدى. مينيسترلىك بۇل ءۇردىستى بەلسەندى تۇردە قولداۋى كەرەك»، — دەدى ءاليحان سمايىلوۆ.

سونىمەن قاتار كەڭەستە تۇجىرىمداما اياسىندا رەسپۋبليكادا وڭىرلىك سيفرلىق حابتى قالىپتاستىرۋ، بايلانىس سالاسىن ودان ءارى دەمونوپوليزاتسيالاۋ، كيبەرقاۋىپسىزدىكتى كەشەندى نىعايتۋ جانە دەنساۋلىق ساقتاۋ، ءبىلىم بەرۋ، ازاماتتىق قاۋىپسىزدىك سالالارىندا جاساندى ينتەللەكتىنى دامىتۋ ءۇشىن نەگىز قۇرۋ جونىندەگى شارالار ىسكە اسىرىلاتىنى اتاپ ءوتىلدى.

سونداي- اق ازاماتتار مەن بيزنەستى جىلدامدىعى جوعارى ينتەرنەتپەن (كەمىندە 100 مبيت/س) ، ال رەسپۋبليكالىق جانە نەگىزگى وبلىستىق جولداردى موبيلدى كەڭ جولاقتى جەلىلەرمەن قامتۋ بويىنشا جۇمىستى اياقتاۋ جوسپارلانىپ وتىر.