تاجىكستاندا تاعى دا 5,6 بالدىق جەر سىلكىندى
07:50, 23 - اقپان 2023
استانا. قازاقپارات - ءبىلىم جانە عىلىم مينيسترلىگى عىلىم كوميتەتىنىڭ سەيسمولوگيالىق تاجىريبەلىك- ادىستەمەلىك ەكسپەديتسياسى مەملەكەتتىك مەكەمەسىنىڭ سەيسميكالىق ستانسالار جەلىسى بۇگىن الماتى ۋاقىتىمەن 7 ساعات 35 مينۋت 54 سەكۋند كەزىندە جەر سىلكىنىسىن تىركەدى، دەپ حابارلايدى قازاقپارات.
تەربەلىس وشاعى الماتى قالاسىنان وڭتۇستىك- باتىسقا قاراي 636 شاقىرىم جەردە، تاجىكستان اۋماعىندا بولعان.
«ءزىلزالانىڭ ەنەرگەتيكالىق ساناتى - 11.8. MPV ماگنيتۋداسى - 5,6. تەرەڭدىگى - 20 ك م. MSK-64 باعانى بويىنشا سەزىلۋ تۋرالى اقپارات تۇسكەن جوق»، - دەلىنگەن كەزەكشى وپەراتوردىڭ حابارلاماسىندا.
ەسكە سالا كەتەيىك، بۇگىن تاڭەرتەڭ تاجىكستاندا 7 بالدىق جەر سىلكىنىسى تىركەلىپ، ونى الماتىلىقتار سەزىنگەن.
فوتو: ekonomigundemi.com.tr
اۆتور
زارينا تۋعانبايەۆا