بۇگىن اپپارات جينالىسىن وتكىزگەن وقۋ-اعارتۋ ءمينيسترى اسحات ايماعامبەتوۆ وسىلاي دەپ ءمالىم ەتتى، دەپ حابارلايدى قازاقپارات ءتىلشىسى.
«مەكتەپ عيماراتتارىنىڭ قاۋىپسىزدىك جاعدايىن تەكسەرۋ قاجەت. وكىنىشكە قاراي، سوڭعى جىلدارى مەكتەپ عيماراتىنىڭ قاۋىپسىزدىگىنە بايلانىستى كەلەڭسىز جاعدايلار ورىن الۋدا. بۇل وتە ءقاۋىپتى. اماندىق بولىپ، بارلىق جاعدايلاردا بالالارىمىز زارداپ شەككەن جوق. وسىنداي جاعدايلاردىڭ جيىلەپ كەتۋىنە بايلانىستى ۇكىمەت وتىرىسىندا وبلىس اكىمدەرىنە مەكتەپتەردىڭ تەحنيكالىق جاعدايىن تەكسەرۋ بويىنشا ۇسىنىس ايتتىم. ارينە، وعان قوسىمشا قاراجات كەرەك. وسى جۋىردا عانا بىرنەشە وبلىستا بولدىم. وندا 5-6 جىل بۇرىن سالىنعان مەكتەپتەردىڭ ءوزى اپاتتى جاعدايدا تۇرعانىنا كوزىم جەتتى. سوندىقتان وعان ءتيىستى تەكسەرۋ جۇرگىزۋ كەرەك. بۇل تاپسىرمانى ءبىلىم باسقارمالارى مەن بولىمدەرىنە جۇكتەيمىن. بارلىق مەكتەپتىڭ عيماراتى بالالار ءۇشىن قاۋىپسىز بولۋى قاجەت. مەن مۇنى بۇرىن دا ۇسىنعانمىن. ءبىراق ءالى كۇنگە دەيىن وڭىرلەردە بۇل جۇمىس قارقىندى ءجۇرىپ جاتىر دەپ ايتا المايمىن»، - دەدى مينيستر.