ايتا كەتسەك، ق ر اۋىل شارۋاشىلىعى ءمينيسترىنىڭ ءبىرىنشى ورىنباسارى قايرات ايتۋعانوۆ بۇگىن پارلامەنت ماجىلىسىندە «ق ر كەيبىر زاڭنامالىق اكتىلەرىنە اگروونەركاسىپتىك كەشەندى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرعان بولاتىن. ونىڭ بارىسىندا پارلامەنت ءماجىلىسىنىڭ دەپۋتاتى ەرجان قۇدايبەرگەن جولبارىستى ءوسىرۋ باعدارلاماسىنا قاتىستى قايرات ايتۋعانوۆقا ساۋال قويدى.
« ب ا ق ارقىلى 200 امۋر جولبارىسىن ىلە- بالقاشقا جىبەرىلەدى دەگەن اقپاراتتى وقىپ جاتىرمىز. وعان ءبىز قانشالىقتى مۇقتاجبىز؟ قانشالىقتى بۇل حالقىمىزعا نەمەسە تابيعاتىمىزعا كەرەك؟ ول جىبەرەتىن ايماقتا تۇرىپ جاتقان حالىق بار. ول ەلدىڭ شارۋاشىلىعى بار. البەتتە، جولبارىستىڭ جىبەرىلۋى تۋريزمدى دامىتۋعا سەرپىن بەرەتىن شىعار، دەگەنمەن جولبارىستى اسىراۋعا كەتەتىن قاراجات از ەمەس دەپ ويلايمىن. رەسەيدەگى ءبىر مالىمەتكە قاراساق، ءبىر كىرپىنى اسىراۋعا 83 تەڭگە كەتەدى ەكەن. ەسەكتىڭ كۇتىم باعاسى 85 تەڭگە. جولبارىستىڭ كۇندەلىكتى جەيتىن 5-6 كەلى ەتىن ءبىزدىڭ وتباسىلار ءبىر ايدا جەي مە، جەمەي مە؟ جولبارىس ءوسىرۋ بىزگە قانشالىقتى بىزگە قاجەت؟»، - دەيدى ەرجان قۇدايبەرگەن.
دەپۋتاتتىڭ ساۋالىن «بىرلىك» پارتياسى اتىنان ناقىپبەك ءسادۋاقاسوۆ ءىلىپ اكەتتى. ونىڭ پايىمداۋىنشا، جولبارىس - مىسىق ەمەس.
«ول جەردە تايگا نەمەسە دجۋنگلي جوق. ول جەردە حالىق ەركىن قويىن باعىپ ءجۇر. جولبارىستى اكەلگەندە وتە قاۋىپتى ەكەنى ەسكەرىلدى مە؟ ول جولبارىس ءبىزدىڭ ىلە- بالقاش وڭىرىنە جەرسىنبەيدى. ول جەردىڭ ءبارى جازىق. نەگە سونشاما ارتىق اقشانى شىعىن قىلىپ، حالىققا قاۋىپ تۋىنداتادى ەكەنسىزدەر. جالپى پيار نە كەرەك؟» - دەيدى دەپۋتات.
قايرات ايتۋعانوۆقا قويىلعان ا ش م ورمان شارۋاشىلىعى جانە جانۋارلار دۇنيەسى كوميتەتى ءتوراعاسى مارلەن اينابەكوۆ جاۋاپ بەردى.
«جولبارىستى اسىراۋ ءۇشىن ىلە- بالقاش رەزەرۆاتى قۇرىلىپ جاتىر. بۇل - 15-20 جىلدىڭ باعدارلاماسى. العاشقى بەس جىل ءبىز سول اۋماقتاعى توعايدى قالپىنا كەلتىرۋگە كەتەدى. ول جەرگە توراڭعى اعاشتارى وتىرعىزىلادى. ەكىنشىدەن، رەزەرۆاتتا ەلىك، قابان اڭدارى كوبەيتىلەدى. ءبىز بىردەن 100 جولبارىستى الىپ كەلمەيمىز. ەڭ بىرىنشىدەن، ازىعىن، ورمانىن دايىنداپ بارىپ جولبارىستاردى جىبەرەمىز. 415 مىڭ گ ا جەر زەرتتەلدى. باعدارلاما 20 جىلعا ارنالعان»، - دەيدى ول.
مارلەن اينابەكوۆ سونىمەن بىرگە، شىعىندار ەسەپتەلىپ وتىرعانىن اتاپ ءوتتى.
«ىلە- بالقاشتى زەرتتەدىك. ماسەلەن، قيىر شىعىستا ءبىر جولبارىس تۋريزم سالاسىندا 1 ميلليون دوللارعا دەيىن تابىس اكەلەدى ەكەن. دەمەك، تۋريزم ارقىلى جولبارىستى ءوسىرۋ جۇمىسى ءوزىن-ءوزى اقتايتىن بولادى. بۇل - پيار ەمەس! بىرىنشىدەن، ءبىز فلورا مەن فاۋنانى قالپىنا كەلتىرۋدى كوزدەپ وتىرمىز. بالقاشتا سوڭعى جولبارىس 1949 -جىلى ولتىرىلگەن. گەنەتيكا بويىنشا بالقاش جولبارىسى ءومىر سۇرەتىن جەردە امۋر جولبارىسى دا مەكەندەي الادى»، - دەپ ءتۇيدى مارلان اينابەكوۆ.