مۇنداي دەرەكتەردى ب ا ق وكىلدەرىنىڭ قاتىسۋىمەن وتكەن بريفينگىدە مەملەكەتتىك كىرىستەر كوميتەتى ءتوراعاسىنىڭ ورىنباسارى باقىتجان سلياموۆ كەلتىردى، دەپ حابارلايدى قازاقپارات ءتىلشىسى.
«قازاقستان-قىتاي شەكاراسىندا مەملەكەت پەن جەكە ارىپتەستىك مەحانيزمى ارقىلى «باتىس ەۋروپا - باتىس قىتاي» حالىقارالىق ترانزيتتىك دالىزىندە ورنالاسقان جاڭا «نۇر جولى» اۆتوموبيل وتكىزۋ پۋنكتى 2018-جىلى پايدالانۋعا بەرىلدى. وتكىزۋ پۋنكتى ورتا ازياداعى ەڭ ءىرى جانە تەحنولوگيالىق جاعىنان وزىق بولىپ تابىلادى. قۇرىلىسقا ارنالعان ينۆەستيتسيالىق شىعىندار شامامەن 69 ميلليارد تەڭگە بولدى.
پۋنكت جۇمىس كۇنى 2,5 مىڭ كولىك قۇرالىن جانە 15 مىڭ جەكە تۇلعانى وتكىزۋگە قاۋقارلى. وتكىزۋ پۋنكتى جۇمىس ىستەگەن 2018-جىلعى قازاننان 2022-جىلعى قازانعا دەيىنگى ارالىقتا ول ارقىلى 209432 كولىك قۇرالى ءوتتى. 223356 ميلليون تەڭگەدەن استام كەدەندىك باج بەن سالىق ءتۇستى. «نۇر جولى» وتكىزۋ پۋنكتى ىسكە قوسىلعاننان باستاپ بيۋجەتكە تۇسكەن تولەمدەر 5,5 ەسەگە ارتتى»، - دەپ ءمالىم ەتتى مەملەكەتتىك كىرىستەر كوميتەتى ءتوراعاسىنىڭ ورىنباسارى.
باقىتجان سلياموۆتىڭ مالىمدەۋىنشە، ەسكى «قورعاس» وتكىزۋ پۋنكتىمەن سالىستىرعاندا، «نۇر جولى» بەكەتىندەگى كولىك اعىنى 1,6 ەسە ءوسىپ، ودان تۇسكەن پايدا 546,6 پايىزعا ارتقان.
سونىمەن قاتار، ول جوندەۋدەن كەيىن قايتا اشىلعان قازاق-وزبەك شەكاراسىنداعى «ب. قونىسبايەۆ» پۋنكتىنىڭ وتكىزۋ الەۋەتى دە وسكەنىن اتاپ ءوتتى.