باۋىرجان بايبەك 5 ەمەندى كەسىپ تاستاعان مەيرامحانا يەسىنە 50 ءتۇپ اعاش وتىرعىزۋدى بۇيىردى
قالانىڭ سانيتارلىق جاعدايىمەن جانە اباتتاندىرىلۋ بارىسىمەن تانىسىپ قايتقان اكىم باۋىرجان بايبەك وسىنداي تاپسىرما بەردى.
شاھار باسشىسى نەگىزىنەن جول جيەكتەرى مەن جۇرگىنشىلەر تروتۋارلارىن تازالاۋمەن اينالىساتىن «الماتى تازالىق» م ق ك- نىڭ جۇمىس بازاسىمەن، ونىدىرىستىك ورىندارىمەن تانىستى. كاسىپورىن تۇنگى ۋاقىتتا جولداردى تازالاۋمەن اينالىسادى. ال قىس كەزىندە جاۋعان قاردان جولداردى تازارتىپ، كوكتايعاقتى بولدىرماۋ ءۇشىن قۇم قوسىندىلارىن توگەدى.
«الداعى قىس ماۋسىمىنا ءبىز دايىنبىز. قىس سۋىق ءارى قارلى بولسا، تەحنيكا دا جەتكىلىكتى. ءبىز الماتىنىڭ تەك نەگىزگى كوشەلەرىن عانا ەمەس، بارلىق اۋداندار مەن وزگە دە جەرلەردى تازارتۋعا ءتيىسپىز. جالپى، تازارتۋ كولەمى بارىنشا اۋقىمدى بولعانى ءجون. وزىنە بەكىتىلگەن ۋچاسكەنى دۇرىس تازالاماعان كومپانيامەن كەلىسىمشارتتى بۇزۋ قاجەت»، - دەدى باۋىرجان بايبەك.
قالا باسشىسى «ءتارتىپ» ا ق وندىرىستىك بازاسىمەن تانىسقان سوڭ قالاداعى قوقىس توگەتىن باكتاردى جانە قولدا بار تەحنيكانى جاڭارتۋدى تاپسىردى.
ءبىز الماتىنىڭ تەك نەگىزگى كوشەلەرىن عانا ەمەس، بارلىق اۋداندار مەن وزگە دە جەرلەردى تازارتۋعا ءتيىسپىز.
الماتى اكىمدىگىنىڭ باسپا ءسوز قىزمەتىنەن مالىمدەگەندەي، باۋىرجان بايبەك قالانىڭ بارلىق اۋدانىندا كوگالداندىرۋ جۇمىستارىن كەڭىنەن قولعا الۋدى ايتتى. ول رەسپۋبليكا سارايى الدىندا جۇمىس ىستەمەي تۇرعان سۋبۇرقاقتى دا كورىپ، ماسەلەنى شەشۋدى بۇيىردى.
قالانى ارالاعان اكىمگە «سايران» وزەنىن قايتا جاساۋ بويىنشا جسق قولعا الىنعاندىعى جانە قاۋىپسىزدىككە ەرەكشە ءمان بەرىلەتىندىگى ايتىلدى. جوبا اياسىندا سۋ ارناسى نىعايتىلىپ، گيدروتەحنيكالىق شليۋزدەر جاڭارتىلادى، تولە ءبي كوشەسىنىڭ سولتۇستىگىنە قاراي ۇلكەن الماتى وزەنىنىڭ جاعالاۋى اباتتاندىرىلادى. بۇل جۇمىس بيىلعى جىلدىڭ كۇزىندە باستالماق. باسەكە نارىعى مەن بيزنەستى دامىتۋ ماقساتىندا مودەرنيزاتسيالاۋ جۇمىستارىن جەكە مەنشىككە بەرۋ جوسپارلانعان.
كەسىلگەن اعاشتاردىڭ ورنىنا جاڭاسى وتىرعىزىلۋى ءتيىس.
قالا اكىمى قالاداعى اپاتتى اعاشتاردى سانيتارلىق كەسۋ جۇمىسىمەن دە تانىستى.
«الماتى جاسىل قالا، زاڭسىز كەسىلگەن اعاش ءۇشىن بەرىلەتىن جازا قاتاڭ بولۋى ءتيىس، كەسىلگەن اعاشتاردىڭ ورنىنا جاڭاسى وتىرعىزىلۋى ءتيىس. سونىمەن قاتار بۇل ماسەلەدە قوعامدىق مونيتورينگتى كۇشەيتكەن ءجون»، - دەدى بايبەك.
Shangrila مەيرامحاناسى بويىنشا باۋىرجان بايبەك قالانىڭ جاسىل قورىن قالپىنا كەلتىرۋى جونىندەگى ماسەلەنى ەرەكشە باقىلاۋعا الۋدى تاپسىردى. مەيرامحانا كەسىلگەن بەس ەمەننىڭ ورنىنا 50 ءتۇپ اعاش وتىرعىزۋى ءتيىس.
دەرەككوز: BNews.