قازاقستان شاحتاسىنداعى ءورت: 5 كەنشىنىڭ تاعدىرى بەلگىسىز، 4 ادام اۋرۋحانادا
الدىن الا مالىمەتكە سايكەس، قاۋىپسىز جەرگە شىعارىلعان 13 ادام باس اۋرۋى مەن جوتەلگە شاعىمدانعان. قازىرگى ۋاقىتتا 4 ادام، ونىڭ ىشىندە ەكەۋى شاحتينسك قالاسىنىڭ ورتالىق اۋرۋحاناسىنا، تاعى ەكەۋى وبلىستىق مەديتسينالىق ورتالىققا جاتقىزىلدى.
وقيعا ورنىندا قاراعاندى وبلىسى اكىمىنىڭ ءبىرىنشى ورىنباسارى ۆاديم باسين مەن شاحتينسك قالاسىنىڭ اكىمى مۇرات قىدىرعانبەكوۆ ءجۇر.
بۇگىن ساعات 10:05 تە «ارسەلورميتتال تەمىرتاۋ» ا ق كومىر دەپارتامەنتىنىڭ «قازاقستان» شاحتاسىندا كونۆەيەرلىك تاسپا ورتەنگەنىن حابارلاعان ەدىك.
سول كەزدە شاحتادا 227 ادام بولعان. ولار قاپتال ۇڭعىما ارقىلى جەر بەتىنە شىعارىلدى. وقيعا ورنىندا «كاسىبي اسكەريلەندىرىلگەن اۆاريالىق-قۇتقارۋ قىزمەتى» رەسپۋبليكالىق ورتالىق شتابىنىڭ جانە توتەنشە جاعدايلار دەپارتامەنتىنىڭ ماماندارى جۇمىس ىستەپ جاتىر. ءورتتىڭ شىعۋ سەبەبى انىقتالۋ ۇستىندە.