بالالار كوركەم گيمناستيكاعا 5 جاستان، بوكسقا 12 جاستان قابىلدانادى - جاڭا نورما
16:47, 22 - ماۋسىم 2022
نۇر- سۇلتان. قازاقپارات - ەلىمىزدە بالالاردىڭ سپورتتىق جاتتىعۋعا جىبەرىلەتىن ەڭ تومەنگى جاسى بەكىتىلەدى.
بۇل تۋرالى ق ر مادەنيەت جانە سپورت ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.
«سپورت تۇرىنە بايلانىستى بالالاردىڭ جاتتىعۋعا جىبەرىلەتىن ەڭ تومەنگى جاسى بەكىتىلەدى. بۇل جەردە ءبىز قولدانىستاعى نورماتيۆتىك- قۇقىقتىق بازاعا سۇيەنەمىز. ونىڭ ىشىندە، «سپورتتىق رەزەرۆتى دايىنداۋ بويىنشا وقۋ- جاتتىعۋ پروتسەسى جۇزەگە اسىرىلاتىن دەنە شىنىقتىرۋ- سپورتتىق مەكەمەلەردە سپورت تۇرلەرى بويىنشا سپورتشىلاردىڭ جاسىن بەكىتۋ تۋرالى» بۇيرىقتى نەگىزگە الامىز»، - دەدى داۋرەن ابايەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ءمينيستردىڭ دەرەگىنشە، كوركەم گيمناستيكاعا 5 جاستان، ال بوكسقا 12 جاستان باستاپ بارۋعا بولادى.
ارينە، مۇنداعى باستى ماقساتىمىز - بالالاردىڭ دەنساۋلىعىن قورعاۋ»، - دەدى ول.
اۆتور: مارلان جيەمباي