ەلباسىنىڭ 5 ينستيتۋتسيونالدى رەفورماسىن جۇزەگە اسىرۋعا باعىتتالعان 100 ناقتى قادامى سوت جۇيەسىن جەتىلدىرەتىنىنە سەنىم مول - ا. قۇلماعامبەتوۆ
بۇل تۋرالى بۋراباي اۋداندىق سوتىنىڭ سۋدياسى اسقار قۇلماعامبەتوۆ ءوزىنىڭ پىكىرىن ءبىلدىرىپ وتىر.
ونىڭ ايتۋىنشا، مەملەكەت باسشىسى اتاپ ايتقانداي، زاڭنىڭ ۇستەمدىگى، ادىلدىك پەن بارشانىڭ زاڭ الدىنداعى تەڭدىگى قاعيداتتارىنىڭ ساقتالۋى گۇلدەنگەن مەملەكەتتىڭ نەگىزى جانە ەكونوميكالىق ءوسۋدىڭ كەپىلى بولىپ تابىلاتىنى ءسوزسىز.
«حالىقتىڭ قۇقىعىن قورعاۋشى، ادىلدىكتى جاقتاۋشى ازامات رەتىندە ەڭ الدىمەن تۇرعىنداردىڭ سوت تورەلىگىنە قولجەتىمدىلىگىن جەڭىلدەتۋ ءۇشىن سوت جۇيەسى ينستانتسيالارىن وڭتايلاندىرىپ، سۋديا لاۋازىمىنا كانديداتتاردى ىرىكتەۋ تەتىكتەرىن كوبەيتۋ، بارلىق سوت پروتسەستەرىنە بەينە جانە تاسپاعا جازۋ شارالارىن مىندەتتى تۇردە ەنگىزۋ ماسەلەلەرى دەر كەزىندە قابىلدانعان دۇرىس شەشىم دەپ ويلايمىن.
ويتكەنى، مۇنىڭ بارلىعى دا سۋديالار مەن قاراپايىم ازاماتتاردىڭ اراسىندا ءجيى ورىن الىپ جاتاتىن تۇسىنبەۋشىلىكتى بولدىرماۋعا، سوت پروتسەسىنىڭ مەيلىنشە اشىق، ءارى ءادىل وتۋىنە ىقپال ەتەتىن بولادى.
ارينە، سوت سالاسى اسا جاۋاپكەرشىلىك پەن ۇقىپتىلىقتى، شىنشىلدىق پەن ادىلدىكتى تالاپ ەتەدى. مۇنىڭ بارلىعىن بىلگەنىمىزبەن، ونى زاڭ جۇزىندە قاداعالاپ وتىرۋ اسا ماڭىزدى شارۋا. جاڭا قۇجاتتا سۋديانىڭ ماقسات-مىندەتتەرى، سوت پروتسەسىن قالاي جەتىلدىرۋ كەرەكتىگى تولىق قامتىلعان.
ال ازاماتتىق ءىس جۇرگىزۋ كودەكسىنە كەلەتىن بولساق، ەلباسىمىز بۇل زاڭعا دا ءتيىستى وزگەرتۋلەر ەنگىزۋدى تاپسىردى. الداعى ۋاقىتتا اتالعان قادامداردىڭ بارلىعى ءىس جۇزىندە ورىندالىپ، سوت ورگاندارى دا، الەۋمەت تە ونىڭ وڭ ناتيجەسىن كورەدى دەگەن سەنىمدەمىن»، - دەيدى اسقار قۇلماعامبەتوۆ.
اۆتور: اسلان وسپانوۆ