وسكەمەندە ماس كۇيدە رۋلگە وتىرعان ايەل تۇراقتاعى 4 بىردەي كولىكتى سوقتى
07:37, 05 - قىركۇيەك 2023
وسكەمەن. قازاقپارات - وسكەمەن قالاسىندا ماس كۇيدە رۋلگە وتىرعان ايەل تۇراقتا تۇرعان 4 بىردەي كولىكتى سوقتى، دەپ حابارلايدى قازاقپارات ءتىلشىسى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وقيعا قالاداعى ەسەنبەرلين داڭعىلىندا بولعان. ماس كۇيدە «ۆاز 21703» اۆتوكولىگىن تىزگىندەگەن 28 جاستاعى ايەل رۋلگە يە بولا الماي قالىپ، تۇراقتا تۇرعان 4 بىردەي كولىكتى سوقتى.
«ونىڭ بۇل كولىكتى ايداۋعا قۇقىعى دا جوق بولىپ شىقتى. ابىروي بولعاندا، زارداپ شەككەن ەشكىم جوق. جۇرگىزۋشىگە قاتىستى ق ر ا ق ب ت ك-نىڭ 608-بابى 6-بولىگىمەن (كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارعانى ءۇشىن) اكىمشىلىك حاتتاما تولتىرىلدى»، - دەلىنگەن اقپاراتتا.
ەندى ايەل ادام جيىرما تاۋلىككە اكىمشىلىك قاماققا الىنۋى مۇمكىن.