اتىراۋ وبلىسىندا جاستارعا تەرروريزمدى ناسيحاتتاعان 4 ادامدىق توپ ۇستالدى
وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، توپ قۇرامىندا قۇرمانعازى اۋدانىنىڭ 4 ادامى بولعان.
«ەكسترەميزمگە قارسى ءىس- قيمىل باسقارماسىنىڭ، قۇرمانعازى اۋداندىق پوليتسيا ءبولىمى مەن «ارلان» ارنايى جاساعىنىڭ قىزمەتكەرلەرى 16-ماۋسىم كۇنى ساعات 7:30 شاماسىندا تەرروريزمدى ناسيحاتتادى دەگەن كۇدىككە ىلىنگەن 4 ادامدى ۇستادى. كۇدىكتىلەر - قۇرمانعازى اۋدانىنىڭ 39, 35 جانە 33 جاستاعى تۇرعىندارى. ۇستالعان كۇدىكتىلەردىڭ ءبارى قۇرمانعازى اۋدانىنىڭ جاستارىنا تەرىس جات اعىمنىڭ ءىلىمىن ناسيحاتتاعانى ءۇشىن باقىلاۋعا الىنعان. ولاردىڭ تۇرعىلىقتى مەكەنجايلارىن تەكسەرۋ كەزىندە قازاقستان اۋماعىندا تاراتۋعا تيىم سالىنعان ءدىني ادەبيەتتەر مەن ءتۇرلى ناسيحاتتىق جادىنامالار، ۇيالى تەلەفوندار مەن 2 پىشاق تاركىلەندى. ايعاق زاتتاردىڭ ءبارى قىلمىستىق ىسكە تىركەلدى»، - دەپ حابارلادى دەپارتامەنتتىڭ باسپا ءسوز قىزمەتى.
قازىر پوليتسيا قىزمەتكەرلەرى ۇستالعان كۇدىكتىلەرگە قاتىستى ق ر قىلمىستىق كودەكسىنىڭ 256-بابىمەن (تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا تۇردە شاقىرۋ) سوتقا دەيىنگى تەرگەۋ امالدارىن باستادى. وزگە اقپارات ق ر قىلمىستىق- پروتسەستىك كودەكسىنىڭ 201-بابىنا سايكەس جاريالاۋعا جاتپايدى.
ەسكە سالا كەتەلىك، بۇعان دەيىن اتىراۋدا دەسترۋكتيۆتى ءدىني اعىم وكىلى تۇراتىن ءۇيدىڭ اۋلاسىنان ماريحۋانا تابىلعانىن حابارلاعان ەدىك.
دەسترۋكتيۆتى ءدىني اعىمدى ۇستاناتىن 2000 -جىلعى تۇرعىننىڭ اتىراۋ قالاسىنداعى ءۇيىنىڭ اۋلاسىنا تەكسەرۋ ءىس- شاراسىن جۇرگىزدى. تەكسەرۋ كەزىندە جالپى سالماعى 90,2 گراممدى قۇرايتىن ماريحۋانا ەسىرتكى زاتىن تاركىلەدى. دەسترۋكتيۆتى ءدىني اعىم وكىلىنىڭ بۇرىن سوتتالعانى انىقتالدى.
اۆتور:
بەك مۇستافا