تاناشەۆا بۇگىندە كوپبالالى وتباسىلاردىڭ سانى 530 مىڭنان اساتىنىن اتاپ ءوتتى.
«ەلىمىزدە كامەلەتكە تولماعان بالالاردىڭ جالپى سانى شامامەن 6,5 ميلليون. ونىڭ جارتىسىنان كوبى كوپبالالى وتباسىنان شىققان بالالار»، - دەيدى دەپۋتات.
گاۋحار تاناشەۆانىڭ سوزىنشە، ءبىرقاتار ماسەلەنى شەشۋ ءۇشىن نەكە جانە وتباسى زاڭىندا كوپبالالى وتباسى مارتەبەسىن ءومىر بويى بەكىتكەن ءجون.
«ءتورت جانە ودان دا كوپ بالاسى بار اتا-انالارعا بالالاردىڭ جاسىنا قاراماستان كوپبالالىلارعا بەرىلەتىن جاردەماقىنى كىشى بالا كامەلەتكە تولعانعا دەيىن بەرۋدى قاراستىرۋدى ۇسىنامىز. ەكىنشى ۇسىنىس - ءتورت بالا تاربيەلەپ وتىرعان كوپبالالى ايەلدەردىڭ زەينەتكەرلىك جاسىن 53 جاسقا دەيىن تومەندەتۋ كەرەك»، - دەيدى دەپۋتات ءماجىلىس وتىرىسىندا.
ايتا كەتەيىك، قازىرگى زاڭناماعا سايكەس، بەس نەمەسە ودان كوپ بالا تۋىپ، اسىراپ العان جانە ولاردى 8 جاسقا دەيىن تاربيەلەگەن كوپبالالى انالار عانا 53 جاسىندا زەينەتكە شىعا الادى.
massaget.kz