ەۋروپالىق وليمپياداعا قاتىسقان قازاقستاندىق 4 وقۋشى دا جۇلدەگەر اتاندى
21:11, 18 - ءساۋىر 2023
استانا. قازاقپارات - قازاقستان قۇراما كومانداسى سلوۆەنيانىڭ پورتوروج قالاسىندا وتكەن قىزدارعا ارنالعان ەۋروپالىق ماتەماتيكالىق وليمپياداسىندا (EGMO) ءتورت مەدالعا يە بولدى، دەپ حابارلايدى قازاقپارات.
وقۋ-اعارتۋ مينيسترلىگىنىڭ مالىمەتىنشە، وليمپيادا 13-19- ءساۋىر ارالىعىندا ءوتتى. وعان الەمنىڭ 60 ەلىنەن 240 وقۋشى قاتىستى. ەلىمىزدىڭ نامىسىن استانا مەن الماتى قالالارى جانە پاۆلودار وبلىسىنىڭ ءتورت وقۋشىسى قورعادى.
قاتىسۋشىلار ماتەماتيكادان جەكە تاپسىرمالار ورىنداپ، قورىتىندى بويىنشا ءتورت وقۋشى دا ورىن الدى:
مەرەي تەميرزينوۆا (استانا قالاسى) - كۇمىس مەدال؛
اناستاسيا ودينتسوۆا (پاۆلودار وبلىسى) - كۇمىس مەدال؛
اقەركە نۋراحمەتوۆا (الماتى قالاسى) - كۇمىس مەدال؛
اميرا كەنبايەۆا (الماتى قالاسى) - قولا مەدال.
ايتا كەتسەك، قازاقستان ەۋروپالىق ماتەماتيكالىق وليمپياداسىندا 2017-جىلدان بەرى قاتىسىپ كەلەدى.