قور نارىعىندا دوللار باعامى تاعى 4 تەڭگەگە تومەندەدى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى تاعى تومەندەدى.

وسىلايشا دوللار ەكى كۇندە 10 تەڭگەگە ارزانداپ وتىر، دەپ حابارلايدى قازاقپارات ءتىلشىسى.

كۇندىزگى ساۋدا- ساتتىق مالىمەتىنە قاراعاندا، دوللار باعامى 4,45 تەڭگەگە تومەندەپ، 1 دوللار 431,08 تەڭگە بولدى.

ايتا كەتەيىك، ۇلتتىق بانكتىڭ 3-ناۋرىزداعى رەسمي باعامى - 1 دوللار ءۇشىن 435,69 تەڭگە بولدى.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى - 432 تەڭگە، ساتىپ الۋ - 436 تەڭگە.

ال، استانا قالاسى بويىنشا ساتۋ باعامى - 432 تەڭگەدەن بولسا، ساتىپ الۋ - 435,5

الماتىدا رەسەي ءرۋبلى 5,65 - 5,9 تەڭگە ارالىعىندا ساۋدالانىپ جاتىر.

استانادا كورشى ەل ۆاليۋتاسى 5,62 - 5,72 تەڭگەدەن ساتىلۋدا.

ايتا كەتەيىك، كەشە قور نارىعىندا دوللار باعامى بىردەن 6 تەڭگەگە ارزانداعانىن جازعان ەدىك.