اپاتتى جاعدايدا قونعان تىكۇشاقتاعى 4 ادام مەرت بولدى – ب ق و
ازاماتتىق اۆياتسيا كوميتەتى تاراتقان سوڭعى مالىمەتكە سەنسەك، توتەنشە جاعدايلار مينيسترلىگىنىڭ ىزدەۋ توبى تىكۇشاققا جەتكەن.
اپاتتان 4 ادام قازا تاۋىپ، 2 ادام زارداپ شەكتى.
ازاماتتىق اۆياتسيا كوميتەتى تىكۇشاق قاتتى قونعان كەزدە قازا تاپقان ازاماتتاردىڭ تۋىستارى مەن جاقىندارىنا كوڭىل ايتادى.
«ق ر يندۋستريا جانە ينفراقۇرىلىمدىق دامۋ مينيسترلىگىنىڭ كولىكتەگى وقيعالار مەن ينتسيدەنتتەردى تەكسەرۋ دەپارتامەنتىنىڭ قىزمەتكەرلەرى وقيعا ورنىنا بارادى» دەپ حابارلادى كوميتەت.
توتەنشە جاعدايلار مينيسترلىگىنىڭ رەسمي وكىلى رۋسلان يمانقۇلوۆتىڭ مالىمەتىنشە، بورتتا بولعان 6 ادامنىڭ بەسەۋى - ەكيپاج مۇشەلەرى، ءبىرى - «قازترانسويل» ا ق وكىلى. قازا بولعان 4 ادامنىڭ بارلىعى - ەكيپاج مۇشەلەرى.
ەسكە سالا كەتەيىك، ءبىز بۇعان دەيىن «قازاۆياقۇتقارۋ» ا ق تىكۇشاعى باتىس قازاقستان وبلىسى اۋماعىنا اپاتتى جاعدايدا قونۋعا ءماجبۇر بولعانىن جازعان ەدىك.
كەيىننەن ازاماتتىق اۆياتسيا كوميتەتى تىكۇشاق ەكيپاجىنىڭ اراسىندا زارداپ شەككەندەر بار ەكەنىن حابارلادى.