جاقسى جاقتارىڭىزدى دامىتىڭىز
ءوزىڭىزدىڭ ءالسىز تۇستارىڭىزعا ءمان بەرۋدىڭ ورنىنا جاقسى جاقتارىڭىزدى دامىتىڭىز. ءسىز باسقالارعا قاراعاندا بىردەڭەنى جاقسىراق جاسايسىز. ءوزىڭىزدىڭ مىقتى تۇستارىڭىزدى ەسكە ءتۇسىرىپ، قاعازعا نەمەسە ۇيالى تەلەفونعا جازىپ قويىڭىز. بۇل ءتىزىمنىڭ ءارقاشان قول استىندا بولعانى جاقسى. قاجەت كەزدە ونىمەن ءوزىڭىزدى قولداي الاسىز. مىنسىزدىكتىڭ ارتىنان قۋۋدىڭ قاجەتى جوق. ءبىراق دامۋدى توقتاتپاڭىز. كوبىرەك وقىڭىز، جاڭا نارسەلەر ءبىلىڭىز، ساياحاتتاڭىز.
پوزيتيۆتى ويلاڭىز
ويلارىڭىز قايدا بولسا، ەنەرگياڭىز دا سول جاقتا. ال ەنەرگيا — ءومىر. ەگەر اينالاڭىزدا نەگاتيۆتى ادامدار بولسا، كوپ ۇزاماي ءسىز دە سونداي ادامعا اينالاسىز. ەگەر ۇنەمى جامان نارسە جايلى ويلاساڭىز، ول شىنىمەن دە بولادى. اينالاڭىزداعى ادامدارعا اناليز جاساڭىز، ءسىزدىڭ ءوزىن-ءوزى باعالاۋىڭىزعا كىم جاعىمسىز اسەر ەتەتىنىن انىقتاڭىز. سودان سوڭ جەكە شەكارا ورناتۋ قاجەت نەمەسە ايتىلعان سوزدەرگە ءمان بەرمەۋدى ۇيرەنۋ كەرەك بولادى. ارينە، تاعى ءبىر ءادىس بار: مۇمكىن بولسا، مۇنداي ادامدارمەن مۇلدەم ارالاسپاۋ.
قاجەت ەمەس قاسيەتتەردەن ارىلىڭىز
ءسىز ءوزىڭىزدى جاقسى بىلەسىز جانە كەي قاسيەتتەرىڭىز ءسىزدى دامۋ جولىندا تەجەيتىنىن تۇسىنەسىز. ونى انىقتاپ، قابىلداۋ — پروبلەمانى شەشۋگە دەگەن العاشقى قادام. ءسىزدى ارتقا تارتاتىن نارسەدەن ارىلىڭىز. ماقساتىڭىزعا باياۋ، ءبىراق سەنىمدى جىلجىڭىز. باسقا ادامداردىڭ سوزىنەن نەمەسە ەستىلمەي قالۋدان قورىقساڭىز، ءوز پىكىرىڭىزدى ءبىلدىرىڭىز! جاڭا دوستار تابۋدان نەمەسە تانىسۋدان قورىقساڭىز، اڭگىمەنى ءبىرىنشى ءوزىڭىز باستاڭىز! وزگەرىستەردەن قورىقساڭىز، تۇبەگەيلى جاڭا نارسە جاساۋعا تاۋەكەل ەتىڭىز! قورقىنىشتارىڭىزدى جەڭىڭىز جانە وزگەرۋدەن قورىقپاڭىز! ەشتەڭە ىستەمەسەڭىز، جاڭا نارسەلەر ورىن المايتىنىن جانە ەشقانداي وزگەرىس بولمايتىنىن ءتۇسىنىڭىز.
وزىڭىزگە دەگەن سەنىمدىلىكتى ارتتىرۋ ءۇشىن كورە الماۋشىلىق، جالقاۋلىق، ايىپتاۋشىلىق، اشۋلانشاقتىق سەكىلدى قاسيەتتەردەن ارىلۋ ماڭىزدى. بۇل السىزدىكتەردى جەڭۋ ارقىلى العا قويعان ماقساتىڭىزعا جەتەسىز.
باسقالارعا كومەكتەسىڭىز
تەك وزىڭىزبەن جانە ءوز پروبلەمالارىڭىزبەن الىسىپ جۇرسەڭىز، ءسىز قانداي دا ءبىر جاعدايمەن باسقالاردىڭ قولداۋىن جانە كومەگىن الاسىز. ءبىراق بىردەڭە الۋ كەزىندە بەرۋدى دە ۇمىتپاۋ كەرەك. ەگەر ءمان بەرىپ قاراساڭىز، ءار ادامنىڭ باسىندا قانداي دا ءبىر قيىندىق بارىن كورە الاسىز. كومەكتى سىزدەن دە قاتتى قاجەت ەتەتىن ادامدار دا بار. باسقا ادامعا فيزيكالىق تا، ءمورالدى دە قامقور كورسەتۋ ارقىلى ومىردەگى ءوزىڭىزدىڭ ماڭىزدىلىعىڭىزدى تۇسىنەسىز.
massaget.kz