ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك قورعاۋ ماسەلەلەرى بويىنشا كەيبىر زاڭنامالىق اكتىلەرگە وسىنداي وزگەرىستەر ەنگىزۋدى ۇسىندى، دەپ حابارلايدى قازاقپارات ءتىلشىسى.
«تاراپتاردىڭ كەلىسىمى بويىنشا ەڭبەك شارتىندا بەس كۇندىك نەمەسە التى كۇندىك جۇمىس اپتاسىمەن كەزەكتەسۋ قۇقىعىمەن ءتورت كۇندىك جۇمىس اپتاسىن بەلگىلەۋگە جول بەرىلەدى. وتباسىنىڭ ناۋقاس مۇشەسىنە، ءۇش جاسقا دەيىنگى بالاسى بار اتا-انالاردىڭ بىرىنە، ون ءتورت جاسقا دەيىنگى بالانى (ون سەگىز جاسقا دەيىنگى مۇگەدەك بالانى) تاربيەلەپ وتىرعان جالعىزباستى انالارعا زەينەتكەرلىك جاسقا ەكى جىلدان كەم ۋاقىت قالعان نە زەينەتكەرلىك جاسقا جەتكەن كەزدە تاراپتاردىڭ كەلىسىمى بويىنشا بىرلەسىپ جۇمىسقا ورنالاسۋعا جول بەرىلەدى»، - دەلىنگەن قۇجاتتا.
بۇل رەتتە تولىق ەمەس جۇمىس كەستەسى قىزمەتكەردىڭ جىل سايىنعى اقىلى ەڭبەك دەمالىسىنىڭ ۇزاقتىعى مەن ەڭبەك ءوتىلىنىڭ ەسەپتەلۋىنە اسەر ەتپەيدى.
«4، 5 جانە 6 كۇندىك جۇمىس اپتاسى كەزىندە قوسىمشا جۇمىستاردىڭ جالپى ۇزاقتىعى ايىنا 12، جىلىنا 120 ساعاتتان اسپاۋى ءتيىس»، - دەپ كورسەتىلگەن وزگەرىستەر ەنگىزىلگەلى وتىرعان قۇجاتتا.
4، 5 جانە 6 كۇندىك جۇمىس اپتاسىندا جەكسەنبى جالپى دەمالىس كۇنى بولىپ ەسەپتەلەدى.
ال بەس كۇندىك نەمەسە ءتورت كۇندىك جۇمىس اپتاسى كەزىندەگى ەكىنشى نەمەسە ءۇشىنشى دەمالىس كۇنى ۇجىمدىق شارتپەن بەلگىلەنەدى.
اۆتور ءاليحان اسقار