اتىراۋدا 4-قاباتتان قۇلاعان ەر ادام قۇتقارىلدى
13:25, 13 - قاڭتار 2022
اتىراۋ. قازاقپارات - اتىراۋدا 4-قاباتتان قۇلاعان ەر ادام قۇتقارىلدى، دەپ حابارلايدى قازاقپارات.
وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ اقپاراتىنا قاراعاندا، وقىس وقيعا بۇگىن، 13-قاڭتاردا ساعات 00:58-دە بولعان.
«دەپارتامەنتتىڭ ديسپەتچەرلىك پۋلتىنە اتىراۋ قالاسىنداعى م. بايمۇحانوۆ كوشەسىندەگى تۇرعىن ءۇيدىڭ 4-قاباتىنان ەر ادامنىڭ قۇلاعانى تۋرالى حابار ءتۇستى. وقيعا ورنىندا 1994 -جىلعى جىگىتتىڭ 4-قاباتتاعى كىرەبەرىس تەرەزەسىنەن سەكىرىپ، 2-قاباتتاعى كۇنقاعارىنا ءىلىنىپ قالعانىن انىقتادى. قۇتقارۋشىلار ءىلىنىپ تۇرعان جىگىتتى قۇتقارىپ، جەدەل مەديتسينالىق كومەك دارىگەرلەرىنە تاپسىردى»، - دەپ حابارلادى دەپارتامەنتتىڭ باسپا ءسوز قىزمەتى.
اۆاريالىق- قۇتقارۋ جۇمىسىنا جەدەل-قۇتقارۋ جاساعىنىڭ 4 قىزمەتكەرى مەن 1 تەحنيكاسى جۇمىلدىرىلعان.
اۆتور: بەك مۇستافا