«مەملەكەت باسشىسىنىڭ ق ر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ ءۇشىنشى وتىرىسىنىڭ قورىتىندىسى بويىنشا بەرگەن تاپسىرماسىنا سايكەس، اكادەميالىق جۇرتشىلىقپەن تالقىلاۋ قورىتىندىسى بويىنشا جوعارى وقۋ ورىندارىن جىكتەۋدىڭ مودەلى ازىرلەنىپ، اكادەميالىق قاۋىمنىڭ تالقىلاۋىنان ءوتتى. قۇجاتتى جوعارى وقۋ ورىندارىنىڭ باسەكەگە قابىلەتتىلىگىن ارتتىرۋ جانە وڭتايلاندىرۋ جونىندەگى كەڭەس ماقۇلدادى. سونىمەن قاتار، جوعارى وقۋ ورىندارىن جىكتەۋدىڭ بۇل مودەلى «ق ر ءبىلىم سالاسىنداعى كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا قاراستىرىلعان» دەپ جازدى ەرالى توعجانوۆ جاۋابىندا.
جوعارى وقۋ ورىندارى مىناداي توپتارعا بولىنەدى:
ءبىرىنشى توپ - حالىقارالىق جانە ۇلتتىق دەڭگەيدەگى ج و و
ەكىنشى توپ - وڭىرلىك دەڭگەيدەگى ج و و،
ءۇشىنشى توپ - سالالىق دەڭگەيدەگى ج و و.
قالعان جاڭادان اشىلعان ج و و- لار ءتورتىنشى توپقا جاتادى. سونداي-اق، جوعارى وقۋ ورىندارىن توپتار بويىنشا جىكتەۋ ءبىلىم بەرۋ، عىلىمي قىزمەت، ينتەرناتسيونالداندىرۋ ناتيجەلەرىنە، ەل، ءوڭىر جانە (نەمەسە) سالا ەكونوميكاسىنا قوسقان ۇلەسىنە نەگىزدەلمەك. جوعاردى اتالعان ءۇش توپقا كىرەتىن ج و و ءبىلىم بەرۋ باعدارلامالارىن اككرەديتتەپ، ولاردىڭ كاسىبي ستاندارتتارعا سايكەستىگىن قامتاماسىز ەتۋى قاجەت.
ال عىلىمي قىزمەتتىڭ تابىستىلىعى پروفەسسورلىق- وقىتۋشىلىق قۇرامنىڭ دايەكسوزدىلىك دەڭگەيىنە، عىلىمي كوللابوراتسياعا، عىلىمي جوبالاردى كوممەرتسيالاندىرۋدان تۇسەتىن كىرىستەرگە، رەيتينگتىك جۋرنالدارداعى جاريالانىمدار سانىنا بايلانىستى ايقىندالادى.
اۆتور: ەسىمجان ناقتىباي