اقمولا وبلىسىندا وقۋشى سانى از 4 مەكتەپ جابىلدى
بۇل تۋرالى بريفينگتە اقمولا وبلىستىق ءبىلىم باسقارماسى باسشىسىنىڭ ورىنباسارى ۆالەري گامازوۆ، دەپ حابارلايدى قازاقپارات ءتىلشىسى.
ءبىلىم باسقارماسى باسشىسى ورىنباسارىنىڭ ايتۋىنشا، جابىلعان مەكتەپتەردىڭ قاتارىندا بۇلاندى اۋدانىنىڭ ۇلتۋعان جانە ەلتاي اۋىلدارىنداعى باستاۋىش مەكتەپتەر، بۋراباي اۋدانىنىڭ شيەلى اۋىلىنداعى باستاۋىش مەكتەپ، شورتاندى اۋدانىنىڭ نوۆوپەرۆومايكا اۋىلىنداعى باستاۋىش مەكتەپ بار.
«ۇيىمداردى جويۋ ءتارتىبى بويىنشا بارلىق ءىس- شارالار بەلگىلەنگەن تارتىپپەن وتكىزىلدى، وقۋشىلار تاسىمالداۋدى ۇيىمداستىرۋمەن جاقىن ماڭداعى مەكتەپتەرگە ءبولىندى. شەكتەۋ شارالارى جاعدايىندا وقۋ- تاربيە پروتسەسىنىڭ تيىمدىلىگىن ارتتىرۋ بويىنشا جۇمىس جالعاسۋدا»، - دەدى ۆالەري گامازوۆ.
ونىڭ ايتۋىنشا، اتاپ وتكەندەي، بيىلعى جىلدىڭ 26- مامىرى مەن 19- ماۋسىمى ارالىعىندا وقۋشىلاردىڭ بىلىمىندەگى ولقىلىقتاردىڭ ورنىن تولتىرۋ ءۇشىن بارلىق تىلەك بىلدىرگەن وقۋشىلارعا جازعى مەكتەپ ۇيىمداستىرىلدى.
سونىمەن بىرگە، 16-27 - تامىز ارالىعىندا اتا- انالاردىڭ نەمەسە زاڭدى وكىلدەردىڭ ءوتىنىشى بويىنشا وبلىستا وقىتۋ ساپاسىن ارتتىرۋ ماقساتىندا 10640 (%8,2) وقۋشى ءۇشىن 206 مەكتەپتە جازعى مەكتەپتىڭ جۇمىسى جالعاستىرىلدى.
ايتا كەتسەك، بيىل جاڭا وقۋ جىلىندا وبلىستىڭ 552 مەكتەبىنە 130 مىڭنان استام وقۋشى كەلەدى، ولاردىڭ 13659-ى ءبىرىنشى سىنىپ وقۋشىلارى.
اۆتور: اسلان وسپانوۆ