قازاقستان بالالارعا ەگۋگە بولاتىن قىتاي ۆاكسيناسىنىڭ 4 ميلليون دوزاسىن ساتىپ الدى
بۇعان دەيىن الماتىعا Sinopharm-نىڭ Vero Сell ۆاكسيناسىنىڭ ءبىرىنشى پارتياسى جەتكىزىلگەنىن جازعان بولاتىنبىز. دەنساۋلىق مينيسترلىگى ۆاكسيناعا قاتىستى تولىق مالىمەت بەردى. وعان سايكەس، بۇگىن، 10- تامىزدا قىتاي حالىق رەسپۋبليكاسىمەن جۇرگىزىلگەن كەلىسسوزدەردىڭ قورىتىندىسى بويىنشا كوروناۆيرۋسقا قارسى Sinopharm ۆاكسيناسىنىڭ ءبىرىنشى پارتياسى تيەلگەن ۇشاق الماتىعا ءبىرىڭعاي ديستريبيۋتور س ق- فارماتسيانىڭ قويمالارىنا كەلدى.
«قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا مەن ق ر دەنساۋلىق ساقتاۋ مينيسترلىگىنىڭ تاپسىرماسى نەگىزىندە ءبىرىڭعاي ديستريبيۋتور بەيجىڭ بيولوگيالىق ونىمدەر ينستيتۋتى ازىرلەگەن Covid-19-عا قارسى Sinopharm ۆاكسيناسىنىڭ 4 ميلليون دوزاسىن ساتىپ الۋدى جۇزەگە اسىردى. Sinopharm قىتاي ۆاكسيناسىنىڭ ءبىرىنشى پارتياسى 1 ميلليون دوزادان تۇرادى. Sinopharm ۆاكسيناسى جاقىن كۇندەرى قازاقستان رەسپۋبليكاسىنىڭ ازاماتتارىنا كوروناۆيرۋس ينفەكسياسىنا قارسى ۆاكتسيناتسيالاۋ ءۇشىن قولجەتىمدى بولاتىن ق ر- دا بەسىنشى تىركەلگەن ۆاكسينا بولادى»، - دەلىنگەن مينيسترلىك اقپاراتىندا.
ۆاكسينانى ستيكەرلەۋ ءراسىمى اياقتالعاننان كەيىن ق ر د س م سانيتاريالىق- ەپيدەميولوگيالىق باقىلاۋ كوميتەتىنىڭ رۇقسات قاعازىنا سايكەس جەدەل تارتىپتە ەلىمىز وڭىرلەرىنە جىبەرىلەدى. «ءبىرىڭعاي ديستريبيۋتور يممۋنوبيولوگيالىق پرەپاراتتاردىڭ لوگيستيكاسىن GMP جانە GDP بارلىق ستاندارتتارىن، سونداي- اق «سۋىق تىزبەكتى» ساقتاي وتىرىپ جۇزەگە اسىرادى. Sinopharm ۆاكسيناسىنىڭ ەرەكشەلىگى - ونى جەتكىزۋ پروتسەسى مۇزداتقىشتى قاجەت ەتپەيدى، +2 +8 گرادۋس تەمپەراتۋرادا ساقتالادى جانە تاسىمالدانادى. قىتايدىڭ Sinopharm ۆاكسيناسىن د د س ۇ 2021 -جىلدىڭ 7 - مامىرىندا قولدانۋعا ماقۇلدادى. ۆاكسينا بەلسەندى ەمەس، ەكى دوزالى. ساقتاۋ مەرزىمى – 24 اي»، - دەپ ناقتىلادى مينيسترلىكتەن.
ۆەدومستۆو مالىمەتىندە، شىلدە ايىندا قىتايدىڭ Sinopharm كومپانياسىنىڭ كوروناۆيرۋسقا قارسى ۆاكسيناسى COVAX ۆاكسينالار بانكىنە ەندى.
«ۆاكسينالار مەن يممۋنداۋدىڭ جاھاندىق اليانسى (GAVI) قىتايلىق Sinopharm كومپانياسىمەن كەلىسىم جاسايتىندىعىن جاريالادى. بۇل د د س ۇ- مەن قاۋىپسىز جانە ءتيىمدى دەپ جىكتەلگەن العاشقى قىتاي پرەپاراتى، 45 ەلدە ەرەسەكتەرگە ۆاكسينالاۋعا رۇقسات ەتىلگەن. بۇگىنگى تاڭدا قىتايدان باسقا، ۆاكسينا ب ا ءا مەن سەربيادا وندىرۋگە ماقۇلداندى. سونىمەن بىرگە، قىتاي مەن ب ا ءا قىتايدىڭ Sinopharm فارماكولوگيالىق كومپانياسىنىڭ بەلسەندى ەمەس ۆاكسيناسىن 3 پەن 17 جاس ارالىعىنداعى بالالارعا شۇعىل قولدانۋدى ماقۇلدادى»، - دەدى ق ر د س م- نان.
ەستەرىڭىزگە سالا كەتەيىك، ءساۋىر ايىنىڭ سوڭىندا قازاقستان ب ا ءا- دە Нayat-Vax
ساۋدا اتاۋىمەن شىعارىلعان Sinopharm كومپانياسىنىڭ بەيجىڭ بيولوگيالىق ءونىمى ينستيتۋتى پرەپاراتىنىڭ ميلليون دوزاسىن ساتىپ العان بولاتىن.
دەنساۋلىق ساقتاۋ مينيسترلىگى وسىنداي ماڭىزدى جۇكتى ەلگە تاسىمالداۋ جانە جەتكىزۋ بويىنشا قاجەتتى راسىمدەردى ۋاقىتىلى جۇرگىزۋدە جەدەل ءوزارا ءىس- قيمىل جاساعانى ءۇشىن ق ر ي ي د م ازاماتتىق اۆياتسيا كوميتەتىنىڭ جانە «ەيراستانا» ا ق اۆياكومپانياسىنىڭ باسشىلىعى مەن ۇجىمىنا ريزاشىلىق پەن العىس ءبىلدىردى.
ايتا كەتەيىك، ۆاكسينانى تاسىمالداۋ «سۋىق تىزبەك» قاعيداتى بويىنشا جۇرگىزىلەدى - ءاربىر كەزەڭدە تەمپەراتۋرالىق رەجيمدى قاتاڭ ساقتاۋ قامتاماسىز ەتىلەدى. سونىمەن قاتار، ءار دەڭگەيدە - ءوزىنىڭ جاۋاپتى ۇيىمى بار. ۆاكسينالاردى تاسىمالداۋ 4 كەزەڭدە جۇزەگە اسىرىلادى:
1. وندىرۋشىدەن ءبىرىڭعاي ديستريبيۋتوردىڭ حابتارىنا دەيىن؛
2. ءبىرىڭعاي ديستريبيۋتورلاردىڭ حابتارىنان وڭىرلەردىڭ دەنساۋلىق ساقتاۋ باسقارمالارىنىڭ قويمالارىنا؛
3. وڭىرلەردىڭ دەنساۋلىق ساقتاۋ باسقارمالارىنىڭ قويمالارىنان مەديتسينالىق ۇيىمدارعا؛
4. مەديتسينالىق ۇيىمداردا قولدانعانعا دەيىن ساقتاۋ.